Bindia
ઓડિશાના કટક શહેરમાંથી દુઃખદ ઘટના સામે આવી છે. વહેલી સવારે કટક સ્થિત SCB હોસ્પિટલના ટ્રોમા કેર સેન્ટરમાં અચાનક ભીષણ આગ લાગી હતી. આગ લાગતાં હોસ્પિટલમાં અફરાતફરીનો માહોલ સર્જાયો હતો અને દર્દીઓ તેમજ સ્ટાફને તાત્કાલિક બહાર ખસેડવાની કાર્યવાહી હાથ ધરવામાં આવી હતી. પ્રાથમિક માહિતી અનુસાર આ દુર્ઘટનામાં 10થી વધુ લોકોના મોતની આશંકા વ્યક્ત કરવામાં આવી રહી છે.
માહિતી મુજબ આગ લાગતા ઓછામાં ઓછા પાંચથી વધુ લોકો ગંભીર રીતે દાઝી ગયા છે. ઈજાગ્રસ્તોને તાત્કાલિક અન્ય વિભાગોમાં ખસેડીને સારવાર આપવામાં આવી રહી છે. આગ કેવી રીતે લાગી તેની ચોક્કસ માહિતી હજી સુધી સામે આવી નથી, પરંતુ પ્રાથમિક અંદાજ મુજબ શોર્ટ સર્કિટને કારણે આગ લાગી હોવાની સંભાવના વ્યક્ત કરવામાં આવી રહી છે.
આ ઘટનાની જાણ થતા જ ફાયર બ્રિગેડની અનેક ટીમો ઘટનાસ્થળે પહોંચી ગઈ હતી અને આગ પર કાબૂ મેળવવાનો પ્રયાસ કર્યો હતો. બચાવ કામગીરી દરમિયાન હોસ્પિટલમાં દાખલ દર્દીઓને સુરક્ષિત સ્થળે ખસેડવામાં આવ્યા હતા.
ઘટનાની ગંભીરતા ધ્યાનમાં લઈ ઓડિશાના મુખ્યમંત્રી મોહન માંઝી પણ તાત્કાલિક ઘટના સ્થળે પહોંચ્યા હતા જેમાં તેમણે મૃતકોને ૨૫ લાખની સહાય જાહેર કરી છે. સરકાર દ્વારા ઘટનાની તપાસનો આદેશ આપવામાં આવ્યો છે. હાલમાં આગના કારણે થયેલા નુકસાન અને મોત અંગે સત્તાવાર આંકડા આવવાના બાકી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
