Bindia
રાતા સમુદ્રમાં તૈનાત અમેરિકાના વિશ્વના સૌથી મોટા એરક્રાફ્ટ કેરિયર **USS ગેરાલ્ડ આર. ફોર્ડ (CVN-78)**માં આગ લાગવાની ઘટના સામે આવી છે. જોકે અમેરિકન નેવીએ સ્પષ્ટ કર્યું છે કે આ ઘટના યુદ્ધ કાર્યવાહી સાથે સંબંધિત નથી.
યુએસ સેન્ટ્રલ કમાન્ડના જણાવ્યા અનુસાર 12 માર્ચે સાઉદી અરેબિયાના અલ વજહ નજીક રાતા સમુદ્રમાં તૈનાત આ યુદ્ધજહાજમાં આગ લાગી હતી. પ્રાથમિક માહિતી મુજબ જહાજના મેઈન લોન્ડ્રી વિભાગમાં આગ લાગી હતી.
આ ઘટનામાં અમેરિકાના બે સૈનિકો સામાન્ય રીતે દાઝ્યા છે. બંનેને તાત્કાલિક તબીબી સારવાર આપવામાં આવી રહી છે અને તેમની હાલત સ્થિર હોવાનું અમેરિકન નેવીએ જણાવ્યું છે.
અમેરિકન અધિકારીઓએ જણાવ્યું કે આગને ઝડપથી કાબૂમાં લઈ લેવામાં આવી હતી અને જહાજના મુખ્ય પ્રોપલ્શન પ્લાન્ટને કોઈ નુકસાન થયું નથી. તેથી જહાજની કામગીરી પર કોઈ અસર પડી નથી અને તે હાલમાં સંપૂર્ણ રીતે ઓપરેશનલ છે.
આ એરક્રાફ્ટ કેરિયર હાલમાં ઓપરેશન એપિક ફ્યુરી હેઠળ ઈરાન વિરુદ્ધ ચાલી રહેલી સૈન્ય કાર્યવાહીમાં સક્રિય છે. આ મિશનમાં તેની સાથે અન્ય ત્રણ યુદ્ધજહાજો – USS મહાન, USS બેનબ્રિજ અને USS વિન્સ્ટન એસ. ચર્ચિલ પણ તૈનાત છે.
વિશ્વનું સૌથી મોટું અને મોંઘું એરક્રાફ્ટ કેરિયર
USS ગેરાલ્ડ આર. ફોર્ડ વિશ્વનું સૌથી મોટું અને સૌથી મોંઘું એરક્રાફ્ટ કેરિયર માનવામાં આવે છે. તેની લંબાઈ અંદાજે 333 મીટર છે અને તેનું વજન લગભગ 1 લાખ ટન છે. આ ન્યુક્લિયર પાવર્ડ જહાજમાં બે A1B ન્યુક્લિયર રિએક્ટર લગાવવામાં આવ્યા છે અને તે 90થી વધુ ફાઈટર જેટ્સ લઈ જવાની ક્ષમતા ધરાવે છે.
આ વિશાળ યુદ્ધજહાજ બનાવવા માટે આશરે 13 અબજ ડોલરનો ખર્ચ થયો હોવાનું કહેવાય છે, જે તેને વિશ્વનું સૌથી મોંઘું યુદ્ધજહાજ બનાવે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
