Bindia
રાજ્યના નાગરિકોને સરળ, ઝડપી અને પારદર્શક સેવાઓ ઉપલબ્ધ કરાવવા માટે Social Justice and Empowerment Department Gujarat દ્વારા આવકના પ્રમાણપત્ર મેળવવાની પ્રક્રિયામાં મહત્વપૂર્ણ સુધારા કરવામાં આવ્યા છે. હવે આવકનું પ્રમાણપત્ર સંપૂર્ણપણે ડિજિટલ વ્યવસ્થા હેઠળ આપવામાં આવશે.
સેલ્ફ ડિક્લેરેશન ફરજિયાત
નવી વ્યવસ્થા મુજબ અરજદારે પોતાની આવક અંગે સેલ્ફ ડિક્લેરેશન આપવું રહેશે. સરકારનો મુખ્ય ઉદ્દેશ પ્રક્રિયાને સરળ બનાવવાનો છે, પરંતુ સાથે જ ખોટી માહિતી આપવાના કિસ્સામાં કડક કાયદેસરની કાર્યવાહી કરવાની જોગવાઈ પણ કરવામાં આવી છે.
QR કોડ અને ડિજિટલી સાઈન્ડ ઈ-સિલ સાથે પ્રમાણપત્ર
ડિજિટલ પરિવર્તનના ભાગરૂપે હવે આવકનું પ્રમાણપત્ર QR કોડ અને ડિજિટલી સાઈન્ડ ઈ-સિલ સાથે આપવામાં આવશે. આથી દસ્તાવેજની પ્રામાણિકતા સરળતાથી ચકાસી શકાશે અને ગેરવપરાશ અથવા નકલ જેવી ગેરરીતિઓ અટકાવવામાં મદદ મળશે.
SSO સિસ્ટમથી સરળ બનશે અરજી પ્રક્રિયા
અરજી પ્રક્રિયા વધુ સરળ અને ઝડપી બનાવવા માટે SSO (સિંગલ સાઇન-ઓન) સિસ્ટમનો અમલ કરવામાં આવશે. આથી અરજદાર એક જ પ્લેટફોર્મ પરથી વિવિધ સરકારી સેવાઓનો લાભ લઈ શકશે. સાથે જ ઓનલાઈન અરજી અને અરજીની સ્થિતિ ટ્રેક કરવાની સુવિધા પણ ઉપલબ્ધ રહેશે.
આ નવા પગલાંથી નાગરિકોને સરકારી કચેરીઓના ચક્કર કાપવાથી રાહત મળશે અને સેવા પ્રદાનમાં પારદર્શિતા તથા કાર્યક્ષમતા વધશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
