Bindia
ભારતના વડા પ્રધાન નરેન્દ્ર મોદીએ મલેશિયાના વડા પ્રધાન અનવર ઇબ્રાહિમ સાથે યોજાયેલી દ્વિપક્ષીય બેઠક દરમિયાન આતંકવાદ સામે કડક વલણ વ્યક્ત કર્યું હતું. સંયુક્ત પ્રેસ નિવેદનમાં પીએમ મોદીએ જણાવ્યું કે ભારત અને મલેશિયા વિશ્વાસ અને ભાગીદારીના આધારે પોતાના સંબંધોને નવી ઊંચાઈએ લઈ જવા માટે પ્રતિબદ્ધ છે.
સુરક્ષા ક્ષેત્રે બંને દેશો આતંકવાદ સામે સંયુક્ત રીતે લડત આપવા, ગુપ્તચર માહિતીની આપ-લે વધારવા અને દરિયાઈ સુરક્ષાને મજબૂત બનાવવા પર ધ્યાન કેન્દ્રિત કરશે. આ સાથે જ ક્ષેત્રમાં શાંતિ અને સ્થિરતા જળવાઈ રહે તે માટે સંરક્ષણ સહયોગને વધુ વિસ્તૃત કરવાની પણ વાત કરી.
ટેકનોલોજીના મહત્વ પર ભાર મૂકતા પ્રધાનમંત્રી મોદીએ કહ્યું કે ભારત અને મલેશિયા કૃત્રિમ બુદ્ધિ (AI), ડિજિટલ ટેકનોલોજી અને સેમિકન્ડક્ટર જેવા અદ્યતન ક્ષેત્રોમાં સહયોગ વધારશે. ઉપરાંત, આરોગ્ય અને ખાદ્ય સુરક્ષા જેવા મહત્વપૂર્ણ ક્ષેત્રોમાં પણ બંને દેશો વચ્ચે ભાગીદારી મજબૂત કરવામાં આવશે.
આ બેઠક દરમિયાન યોજાયેલા CEO ફોરમ અંગે વાત કરતા પીએમ મોદીએ જણાવ્યું કે આ ફોરમ દ્વારા વેપાર અને રોકાણ માટે નવા અવસર ઊભા થયા છે. બંને દેશોની કંપનીઓને એકબીજાના બજારમાં રોકાણ કરવાની વધુ તકો મળશે, જેના પરિણામે રોજગારીમાં વધારો થશે અને અર્થતંત્રને મજબૂતી મળશે.
વિશ્વાસ પર ભાર મૂકતા પીએમ મોદીએ કહ્યું કે વ્યૂહાત્મક વિશ્વાસ દ્વારા ભારત અને મલેશિયા આર્થિક પરિવર્તન તરફ એક મજબૂત માર્ગ તૈયાર કરશે. તેમણે સ્પષ્ટ કર્યું કે આ ભાગીદારીનો લાભ માત્ર સરકારોને નહીં પરંતુ સામાન્ય નાગરિકોને પણ મળશે. મલેશિયા સાથેનો સહયોગ ભારતના શાંતિપૂર્ણ, સુરક્ષિત અને સમૃદ્ધ ભવિષ્યના વિઝનનો મહત્વપૂર્ણ ભાગ હોવાનું તેમણે ઉમેર્યું.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
