Bindia
ક્રિકેટ જગતમાં ‘કિંગ’ તરીકે ઓળખાતા વિરાટ કોહલીના ચાહકો વિશ્વભરમાં પ્રસિદ્ધ છે. તેમના કેટલાક ચાહકો એવા હોય છે, જે પોતાના અનોખા કાર્યો દ્વારા સૌનું ધ્યાન ખેંચે છે. આવી જ કથા સામે આવી છે સુરતના યુવાન અંકિત પટેલની, જેમણે વિરાટ કોહલી માટે એક અદ્ભુત અને મોંઘી ભેટ તૈયાર કરી છે.
સોનાની મોંઘી ગિફ્ટ
અંકિતે વિરાટ કોહલી માટે ખાસ રૂ. 15 લાખના ખર્ચે મોબાઇલ બેક કવર બનાવ્યું છે. આ કવર બનાવવામાં 15 તોલા સોનાનો ઉપયોગ થયો છે અને વિરાટ કોહલીનું નામ કવર પર ડાયમંડ (હીરા) થી લખાયું છે.
તૈયાર કરવાની પ્રક્રિયા
અંકિતે જણાવ્યું કે, કવર બનાવવું સરળ ન હતું. સુરતના અનેક જ્વેલર્સ પાસે ગયા, પરંતુ ઘણાએ આ કામ કરવાની ના પાડી. છેલ્લે 6 મહિનાની મહેનત અને ધીરજ પછી આ વિશેષ ભેટ તૈયાર થઈ શકી.
પ્રેમ અને પ્રોત્સાહન
અંકિતે જણાવ્યું, “વિરાટ કોહલી મારા માટે માત્ર ક્રિકેટર નથી, તેઓ મારા ‘ભગવાન’ છે. આ ભેટ હું તેમને રૂબરૂ આપવાનો ઈચ્છુક છું.”
જ્યારે પુછવામાં આવ્યું કે આ મોંઘી ભેટ માટે પરિવારજનો ટોક્યા નથી? ત્યારે અંકિતે કહ્યું, “મારા માતા-પિતા અને પરિવાર જાણે છે કે હું વિરાટનો કેટલો મોટો ફેન છું. તેઓ મારી લાગણીને સમજે છે અને મને પ્રોત્સાહન આપે છે.”
આશા
વ્યવસાયે ખેડૂત એવા અંકિત માટે હવે માત્ર એક જ આશા રહી છે કે, તેઓ પોતાના આરાધ્ય ખેલાડી વિરાટ કોહલીને મળી શકે અને આ અનોખી ભેટ આપવાની તક મેળવે. આ અદ્ભુત કહાણી સોશિયલ મીડિયા પર પણ ઝડપથી વાયરલ થઇ રહી છે અને ચાહકો દ્વારા વખણાઈ રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
