ગુજરાતમાં ગુલાબી ઠંડીનો કહેર, અનેક શહેરોમાં તાપમાન સિંગલ ડિજિટમાં

ગુજરાતમાં છેલ્લા કેટલાક દિવસોથી હાડ થિજવતી ગુલાબી ઠંડીનો અહેસાસ થઈ રહ્યો છે. માત્ર કચ્છના નલિયા જ નહીં, પરંતુ કંડલા, અમરેલી અને રાજકોટ સહિતના વિસ્તારોમાં તાપમાન સિંગલ ડિજિટમાં નોંધાયું છે. હવામાન વિભાગના અનુમાન મુજબ આગામી બે દિવસ સુધી રાજ્યમાં ઠંડીનું જોર યથાવત રહેવાની શક્યતા છે.

હવામાન વિભાગ દ્વારા આપવામાં આવેલી માહિતી મુજબ છેલ્લા 24 કલાક દરમિયાન સમગ્ર રાજ્યમાં વાતાવરણ સૂકું રહ્યું હતું. ખાસ કરીને કચ્છ અને ઉત્તર ગુજરાતમાં લઘુત્તમ તાપમાનમાં નોંધપાત્ર ઘટાડો જોવા મળ્યો છે, જ્યારે સૌરાષ્ટ્રના અનેક વિસ્તારોમાં તાપમાન સામાન્ય કરતાં ઘણું નીચું નોંધાયું છે. પરિણામે વહેલી સવાર અને મોડી રાત્રે લોકોમાં ઠંડીની તીવ્રતા વધુ અનુભવાઈ રહી છે.

રાજ્યના વિવિધ શહેરોમાં નોંધાયેલા લઘુત્તમ તાપમાન પર નજર કરીએ તો કચ્છના નલિયામાં સૌથી ઓછું 4.8 ડિગ્રી સેલ્સિયસ તાપમાન નોંધાયું છે. ત્યારબાદ કંડલા એરપોર્ટમાં 8 ડિગ્રી સેલ્સિયસ, જ્યારે અમરેલી અને રાજકોટમાં 9-9 ડિગ્રી સેલ્સિયસ તાપમાન નોંધાયું હતું. આ સ્થિતિને કારણે કચ્છ અને સૌરાષ્ટ્રમાં ઠંડી વધુ તીવ્ર બની છે.

હવામાન વિભાગના તાજેતરના બુલેટિન અનુસાર આગામી 48 કલાક દરમિયાન લઘુત્તમ તાપમાનમાં ખાસ ફેરફાર થવાની શક્યતા નથી. જોકે, બે દિવસ બાદ તાપમાનમાં ધીમે ધીમે 2થી 3 ડિગ્રી સેલ્સિયસનો વધારો થવાની સંભાવના છે, જેના કારણે ઠંડીનું જોર ઘટશે.

આ સાથે જ હવામાન વિભાગે આગાહી કરી છે કે 16 જાન્યુઆરી સુધી ગુજરાતના તમામ જિલ્લાઓ ઉપરાંત દીવ, દમણ અને દાદરા-નગર હવેલીમાં વાતાવરણ સૂકું રહેશે. વરસાદની કોઈ શક્યતા હાલ દેખાતી નથી.

અમદાવાદ શહેરની વાત કરીએ તો ગઈકાલે લઘુત્તમ તાપમાન 12 ડિગ્રી સેલ્સિયસ નોંધાયું હતું. આજે પણ સવાર અને મોડી રાત્રે અમદાવાદવાસીઓને ગુલાબી ઠંડીનો અહેસાસ થવાની શક્યતા છે. તાપમાનમાં ઘટાડાને પગલે લોકો ગરમ કપડાં અને સાવચેતી રાખતા નજરે પડી રહ્યા છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in

  • Related Posts

    Morbi Sahil Majothi Ukraine Prisoner Release : 13 મહિનાથી યુક્રેનની જેલમાં કેદ મોરબીના યુવાન માટે આશાનું કિરણ..

    Ukraineમાં 13 મહિનાથી કેદ મોરબીના સાહિલ માજોથીની મુક્તિની આશા જાગી! વકીલ દીપા જોસેફ યુક્રેન પહોંચ્યાં, બ્રિગેડિયર જનરલે કહ્યું – ભારત સરકાર સંપર્ક કરે તો મુક્તિ માટે તૈયાર Ukraineની જેલમાં બંધ મોરબીના યુવાન સાહિલ માજોથીને સ્વદેશ પરત લાવવા માટે પ્રયાસો તેજ બન્યા છે. સુપ્રીમ કોર્ટનાં વકીલ દીપા જોસેફે યુક્રેન પહોંચીને ભારતીય રાજદૂત અને યુદ્ધકેદીઓના મામલાઓ સંભાળતા બ્રિગેડિયર જનરલ સાથે મુલાકાત કરી છે. વકીલના જણાવ્યા અનુસાર, યુક્રેનના અધિકારીઓએ સાહિલની મુક્તિ અંગે સકારાત્મક વલણ દર્શાવ્યું છે અને ભારત સરકાર તરફથી સત્તાવાર સંપર્ક તથા સંકલનની રાહ જોઈ રહ્યા છે. અહેવાલ: રફીક અજમેરી મોરબીના એક યુવાનને Ukraineની કસ્ટડીમાંથી મુક્ત કરાવી સ્વદેશ પરત લાવવાના પ્રયાસોમાં હવે નવી આશા જાગી છે. મોરબીનો યુવાન સાહિલ માજોથી છેલ્લા આશરે 13 મહિનાથી Ukraineની જેલમાં બંધ હોવાનું…

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…