Bindia
તિબેટમાં રવિવારે ભૂકંપના આંચકા અનુભવાયા હતા. નેશનલ સેન્ટર ફોર સિસ્મોલોજી (NCS) અનુસાર, ભૂકંપની તીવ્રતા રિક્ટર સ્કેલ પર 3.5 નોંધાઈ છે. આ ભૂકંપ ભારતીય સમય મુજબ રાત્રે 8:29 વાગ્યે આવ્યો હતો અને તેનું કેન્દ્ર જમીનથી અંદાજે 10 કિલોમીટર ઊંડાઈએ હતું.
NCS દ્વારા X (ટ્વિટર) પર શેર કરેલી માહિતી મુજબ, ભૂકંપનું કેન્દ્ર અક્ષાંશ 28.51 ઉત્તર અને રેખાંશ 87.57 પૂર્વ વિસ્તારમાં આવેલું હતું. ભૂકંપ પછી હાલ સુધી કોઈ જાનહાનિ કે મોટાં નુકસાનના અહેવાલ મળ્યા નથી.
ઉલ્લેખનીય છે કે તિબેટમાં આ પહેલાં પણ ભૂકંપીય પ્રવૃત્તિ નોંધાઈ ચૂકી છે. 5 ડિસેમ્બરે અહીં 3.0ની તીવ્રતાનો ભૂકંપ આવ્યો હતો. નિષ્ણાતો જણાવે છે કે છીછરા ભૂકંપ સામાન્ય રીતે વધુ ખતરનાક હોય છે, કારણ કે તેનાથી ઉત્પન્ન થતા તરંગો સપાટી સુધી ઓછા અંતરે પહોંચે છે અને જમીન પર વધુ કંપન સર્જે છે, જેના કારણે ઇમારતોને નુકસાન અને જાનહાનિની શક્યતા વધી જાય છે.
તિબેટીયન ઉચ્ચપ્રદેશ ટેક્ટોનિક પ્લેટોના અથડામણના કારણે ભૂકંપ માટે સંવેદનશીલ માનવામાં આવે છે. તેથી આ વિસ્તારમાં વારંવાર હલકા થી મધ્યમ તીવ્રતાના ભૂકંપ નોંધાતા રહે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
