Bindia
આગામી 1 જાન્યુઆરી, 2026થી દેશભરના CNG અને PNG વપરાશકર્તાઓ માટે રાહતના સમાચાર છે. પેટ્રોલિયમ અને નેચરલ ગેસ રેગ્યુલેટરી બોર્ડ (PNGRB) દ્વારા ગેસ ટ્રાન્સપોર્ટ ટેરિફના માળખામાં સુધારો કરવામાં આવ્યો છે, જેના કારણે ગેસના ભાવમાં પ્રતિ યુનિટ 2થી 3 રૂપિયાનો ઘટાડો થઈ શકે છે.
ટેરિફ માળખામાં ફેરફાર
PNGRBના સભ્ય એ.કે. તિવારીએ જણાવ્યું કે, બોર્ડે હાલની જટિલ ટેરિફ વ્યવસ્થાને સરળ બનાવી છે. અગાઉ અમલમાં રહેલી ત્રણ ઝોનની વ્યવસ્થા નાબૂદ કરીને હવે માત્ર બે ઝોન બનાવવામાં આવ્યા છે.
દૂરના વિસ્તારોને વધુ લાભ
પૂર્વમાં, 200 કિમી સુધીના અંતર માટે 42 રૂપિયા, 300-1,200 કિમી માટે 80 રૂપિયા અને 1,200 કિમીથી વધુ અંતર માટે 107 રૂપિયા ચૂકવવા પડતા હતા. નવી વ્યવસ્થા હેઠળ, 300 કિમીથી વધુના તમામ અંતર માટે એકીકૃત ‘યુનિફાઇડ’ ટેરિફ 54 રૂપિયા નક્કી કરવામાં આવ્યો છે. આ બદલાવ ખાસ કરીને દૂરના વિસ્તારોમાં ગેસ પહોંચાડવાના ખર્ચને ઘટાડી દેશે, જેનો સીધો લાભ ગ્રાહકોને ભાવ ઘટાડા સ્વરૂપે મળશે.
યુનિફાઇડ ટેરિફ સિસ્ટમનો પ્રારંભ
હાલના અલગ-અલગ અંતરના આધાર પર ટેરિફની પ્રથા બંધ કરીને હવે એકસમાન દર લાગુ કરવામાં આવ્યો છે. ટ્રાન્સપોર્ટેશન ખર્ચમાં થયેલો ઘટાડો અંતરિયાળ વિસ્તારોમાં આશીર્વાદરૂપ રહેશે અને સામાન્ય ગ્રાહકોના ગેસ બિલમાં સીધો ઘટાડો થશે.
ગ્રાહકો અને ઓપરેટરો બંનેને ફાયદો
આ નવા નિયમથી દેશના 312 ભૌગોલિક વિસ્તારોમાં કાર્યરત 40 જેટલી સિટી ગેસ ડિસ્ટ્રિબ્યુશન (CGD) કંપનીઓના ગ્રાહકોને સીધો આર્થિક લાભ મળશે. CNG વપરાશકર્તાઓના ઇંધણ ખર્ચમાં ઘટાડો થશે, તો PNG વાપરતી ગૃહિણીઓને પણ ગેસ બિલમાં મોટી રાહત મળશે. PNGRBે ટેરિફમાં આ ઘટાડાનો સંપૂર્ણ લાભ અંતિમ ગ્રાહકો સુધી પહોંચે તે માટે કડક દેખરેખ રાખવાની ખાતરી આપી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
