કેન્દ્ર સરકારે સંચાર સાથી એપના પ્રી-ઇન્સ્ટોલેશનનો નિર્ણય પાછો ખેચ્યો, જાણો શું છે કારણ

કેન્દ્ર સરકારે સંચાર સાથી એપ અંગે એક મહત્વપૂર્ણ નિવેદન બહાર પાડ્યું છે. સરકારે જણાવ્યું છે કે ફોન પર આ એપનું પ્રી-ઇન્સ્ટોલેશન ફરજિયાત નથી. ટેલિકોમ્યુનિકેશન મંત્રાલયે X પર એક પોસ્ટ જારી કરી છે, જેમાં કહેવામાં આવ્યું છે કે આ એપ માટે પ્રી-ઇન્સ્ટોલેશનની જરૂરિયાત દૂર કરવામાં આવી છે.

દેશના તમામ નાગરિકોને સાયબર સુરક્ષાના લાભો પૂરા પાડવાના ઉદ્દેશ્યથી કેન્દ્ર સરકારે બધા સ્માર્ટફોન પર સંચાર સાથી એપને પ્રી-ઇન્સ્ટોલ કરવાનું ફરજિયાત બનાવવાનો નિર્ણય લીધો હતો. આ એપ સંપૂર્ણપણે સલામત છે અને તેનો હેતુ ફક્ત નાગરિકોને સાયબર ગુનેગારોથી બચાવવાનો છે… સંચાર સાથીની વધતી જતી લોકપ્રિયતાને ધ્યાનમાં રાખીને, સરકારે મોબાઇલ ઉત્પાદકો માટે ફરજિયાત પ્રી-ઇન્સ્ટોલેશન આવશ્યકતા દૂર કરવાનો નિર્ણય લીધો છે.

એપલે સરકારના નિર્ણયને પાલન કરવાનો ઇનકાર કર્યો
કેન્દ્ર સરકારના આ પગલાને એપલના નિર્ણય સાથે પણ જોડવામાં આવી રહ્યું છે. 28 નવેમ્બરના રોજ સરકારનો આદેશ મળ્યા બાદ, સ્માર્ટફોન નિર્માતા એપલે તેનું પાલન કરવાનો ઇનકાર કર્યો હતો. કંપનીએ કહ્યું હતું કે આ પગલાથી આઇફોન યુઝર્સના વ્યક્તિગત ડેટા જોખમમાં મુકાઈ શકે છે.

1.4 કરોડ લોકોએ આ એપ ડાઉનલોડ કરી
સરકાર દ્વારા X પર જારી કરાયેલા એક નિવેદન અનુસાર, અત્યાર સુધીમાં 1.4 કરોડ લોકોએ આ એપ ડાઉનલોડ કરી છે અને દરરોજ લગભગ 2000 ઓનલાઈન છેતરપિંડીના કેસ નોંધાઈ રહ્યા છે. “એપ ડાઉનલોડ કરનારા યુઝર્સની સંખ્યા ઝડપથી વધી છે. એપને ફરજિયાત બનાવવાનો હેતુ વધુ જાગૃતિ ફેલાવવાનો હતો જેથી ઓછા ટેક-સેવી લોકો પણ તેનો સરળતાથી ઉપયોગ કરી શકે. છેલ્લા એક દિવસમાં જ 6 લાખ લોકોએ એપ ડાઉનલોડ કરી છે, જે સામાન્ય કરતા 10 ગણી વધુ છે. આ દર્શાવે છે કે લોકો તેમની સલામતી માટે આ એપ પર વિશ્વાસ કરી રહ્યા છે.

 

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in