Bindia
દિવાળીના પાવન અવસરે મનોરંજન જગતમાંથી એક દુઃખદ સમાચાર આવ્યા છે. બૉલિવૂડના જાણીતા અને લોકપ્રિય કોમેડી કલાકાર અસરાની (Asrani) નો લાંબી બીમારી પછી ૮૪ વર્ષની વયે અવસાન થયું છે.
ફેફસાંની સમસ્યાના કારણે હતા હોસ્પિટલમાં
અહેવાલ અનુસાર, અસરસાની છેલ્લા કેટલાક દિવસોથી ફેફસાંની ગંભીર સમસ્યાથી પીડાતા મુંબઈની હોસ્પિટલમાં સારવાર હેઠળ હતા. તેઓ છેલ્લા ૫ દિવસથી હોસ્પિટલમાં દાખલ હતા અને આજે સોમવારે સાંજે ૪ વાગ્યાની આસપાસ તેમણે અંતિમ શ્વાસ લીધો.
અંતિમ વિદાય અને સંસ્કાર
અસરાનીનું અંતિમ સંસ્કાર મુંબઈના સાંતાક્રુઝ સ્મશાનગૃહ ખાતે કરવામાં આવ્યો. જ્યાં તેમના પરિવારજનો, મિત્રો અને કલાકાર મિત્રો ઉપસ્થિત રહ્યા અને તેમને શ્રદ્ધાંજલિ અર્પણ કરી.
અસરસાનીની જીવનયાત્રા અને કારકિર્દી
અસરાનીનો જન્મ 1 જાન્યુઆરી 1941ના રોજ જયપુરમાં થયો હતો. તેમણે સેન્ટ ઝેવિયર્સ સ્કૂલ અને રાજસ્થાન કોલેજમાંથી અભ્યાસ પૂર્ણ કર્યો. વર્ષ ૧૯૬૭ માં ‘હરે કાંચ કી ચુડીયા’ ફિલ્મથી બૉલિવૂડમાં પ્રવેશ કર્યો.
અસરાની પોતાની અનોખી કોમિક ટાઇમિંગ અને પ્રભાવશાળી અભિનયથી ફિલ્મી દર્શકોમાં ખૂબ લોકપ્રિય થયા. તેમણે અનેક હિટ ફિલ્મોમાં કામ કર્યું, જેમાંથી ‘શોલે’ માં જેલરના પાત્રે તેમને ખાસ ઓળખ મળી. તેમની વારસામાં હાસ્ય અને મનોરંજન માટેના અમૂલ્ય યોગદાનની વાર્તા અવનવી રહેશે.
દેશભરમાં ચાહકોમાં શોક
અસરાનીના નિધનથી સમગ્ર ફિલ્મી જગત અને ચાહકોમાં શોક છવાયો છે. સોશિયલ મીડિયા પર તેઓને શ્રદ્ધાંજલિ અને શ્રેષ્ઠ કલાકાર તરીકે યાદ કરવામાં આવી રહ્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
