Bindia
બાંગ્લાદેશમાં ફરી એકવાર રાજકીય ગરમાવો જોવા મળી રહ્યો છે. Nobel Peace Prize વિજેતા અને કાર્યકારી સરકારના સલાહકાર મુહમ્મદ યુનુસના નેતૃત્વમાં તૈયાર કરાયેલ જુલાઈ રાજકીય ચાર્ટરના વિરોધમાં સેંકડો લોકો ઢાકાની સંસદ બહાર રસ્તા પર ઉતરી આવ્યા છે.
આ વિરોધ દરમિયાન પોલીસ અને પ્રદર્શનકારીઓ વચ્ચે ભારે અથડામણ થઈ. વિરોધીઓએ તોફાન મચાવ્યો, પોલીસ વાહનોમાં તોડફોડ કરી, ફર્નિચરમાં આગ લગાવી અને સંસદના મુખ્ય દરવાજા સુધી પહોંચતા અઘાતની સ્થિતિ ઊભી થઈ.
પોલીસે ટીયરગેસ અને લાઠીચાર્જનો કર્યો ઉપયોગ
આ પ્રદર્શન શાંતિપૂર્ણ રીતે શરૂ થયું હતું, પરંતુ થોડા સમયમાં જ વાતાવરણ ઉગ્ર બની ગયું. પોલીસએ ટીઅરગેસ શેલ ફેંક્યા, સ્ટન ગ્રેનેડ ફોડ્યા અને પછી લાઠીચાર્જ કરવો પડ્યો. પ્રદર્શનકારીઓ “ચાર્જર અમને માન્ય નથી”, “લોકશાહી બચાવો” જેવા સૂત્રોચ્ચાર કરતા જોવા મળ્યા હતા. કેટલાક લોકો સંસદ ભવનના પરિસરમાં પ્રવેશી ગયા હતા.
શું છે ‘જુલાઈ રાજકીય ચાર્ટર’?
‘July Political Charter’ એ રાજકીય સુધારા માટે કાર્યકારી સરકાર અને રાજકીય પક્ષોની વચ્ચે તૈયાર કરાયેલ દસ્તાવેજ છે, જે આગામી ફેબ્રુઆરી 2026માં યોજાનારી ચૂંટણી માટે માર્ગદર્શનરૂપ છે. હાલના રાજકીય તણાવનો કેન્દ્રબિંદુ બનેલ આ ચાર્ટર વિરુદ્ધ અનેક પક્ષો, ખાસ કરીને રાષ્ટ્રીય નાગરિક પાર્ટી (NCP) અને બામપંથી સંગઠનોએ વિરોધ નોંધાવ્યો છે. તેઓનો દાવો છે કે આ ચાર્ટર “લોકોની માંગોને અનુરૂપ નથી અને એકતરફી નિર્ણય છે”.
NCP અને વિવાદ
NCPના નેતાઓએ જાહેર કર્યું છે કે તેઓ “જુલાઈ ચાર્ટર” પર હસ્તાક્ષર કરશે નહીં. પાર્ટી મુજબ, “આ દસ્તાવેજ માત્ર કેટલીક શાસકશક્તિઓના હિત માટે બનાવાયો છે, સામાન્ય લોકોના નહીં.” વિરોધીઓ એવી પણ માંગણી કરી રહ્યા છે કે ગયા વર્ષે શેખ હસીનાના શાસન દરમિયાન થયેલા દમન અને હત્યા ઘટનાઓમાં મૃતકોના પરિવારોને ન્યાય મળે.
વધુ શું બન્યું?
પ્રદર્શનકારીઓએ પોલીસના બે વાહનોમાં તોડફોડ કરી. સંસદ સામેના ટેમ્પરેરી સ્ટેજ અને ફર્નિચરમાં આગ લગાવવાનો પ્રયાસ થયો. અનેક વિરોધીઓ ઘાયલ થયા હોવાની શંકા છે, કેટલાકને ધરપકડમાં લેવામાં આવ્યા છે. સરકાર તરફથી હજુ સુધી કોઈ સત્તાવાર નિવેદન આપવામાં આવ્યું નથી.
બાંગ્લાદેશમાં હાલનું પરિસ્થિતિ વધુ વણસે તેવા સંકેતો છે. જો સરકાર અને વિરોધ પક્ષો વચ્ચે સંવાદ નહીં થાય, તો નિકટના સમયમાં વધુ ઉગ્ર વિરોધ જોવા મળી શકે છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
