Bindiaમહેસાણાના ગિલોસણ ગામે ઘી બનાવતી એક શંકાસ્પદ ફેક્ટરીમાં નકલી ઘી બનાવવાનું ખુલાસો થતાં ખળભળાટ મચી ગયો છે. “મેસર્સ શિવાન ફૂડ પ્રોડક્ટ્સ” નામની ફેક્ટરીમાં પોલીસે દરોડો પાડી રૂ. 95.59 લાખનો ઘીનો જથ્થો સીઝ કર્યો છે અને ફૂડ તંત્રને જાણ કરી ફેક્ટરીને સીલ કરી દીધી છે.
કઈ રીતે થયો ખુલાસો?
તાલુકા પોલીસના નાઈટ પેટ્રોલિંગ દરમિયાન ગિલોસણ ગામે આવેલી યુક્રેન એસ્ટેટમાં શંકાસ્પદ હલચલ જોવા મળતાં પોલીસએ તાત્કાલિક દરોડો પાડી પટેલ નિતેશભાઈ ગોવિંદભાઈ નામના વ્યક્તિની માલિકીની આ ફેક્ટરીમાં નકલી ઘી બનાવાતું હોવાનું સામે આવ્યું. ફૂડ વિભાગ અને પોલીસે સંયુક્ત તપાસ શરૂ કરી
સેમ્પલ અને સીઝ કરાયેલો જથ્થો:
– કુલ 18 સેમ્પલ અલગ અલગ બ્રાન્ડના ઘીના લેવામાં આવ્યા
– અંદાજે 16,812 લીટર ઘીનો જથ્થો રોકી પાડાયો, કુલ કિંમત રૂ. 95,59,712
– શંકાસ્પદ ઘીના બ્રાન્ડ્સમાં અમૃત પ્યોર ઘી, અમૃત કાઉ ઘી, ગૌધારા કાઉ ઘી સહિતના નામ સામેલ
– 75 પતરાના ડબ્બા અને આશરે 700 કાર્ટન બોક્સ પણ સીઝ
આગામી કાયદાકીય પગલાં શું?
– ઈન્ચાર્જ ફૂડ અધિકારી દ્વારા જણાવવામાં આવ્યું કે તમામ સેમ્પલ સરકારી લેબોરેટરીમાં મોકલવામાં આવ્યા છે
– રિપોર્ટ બાદ કાયદેસર કાર્યવાહી હાથ ધરવામાં આવશે
– જો રિપોર્ટ સબ-સ્ટાન્ડર્ડ આવે તો અન્ય નિવાસી કલેક્ટરની કોર્ટમાં કેસ દાખલ
– જો રિપોર્ટ અનસેફ આવે તો જુડીશિયલ કોર્ટમાં કેસ ચાલી શકે
મહેસાણામાં ઘટેલી આ ઘટના માત્ર ખાદ્ય સુરક્ષા જ નહીં, પરંતુ જનસ્વાસ્થ્ય માટે પણ ગંભીર ચિંતા ઉભી કરે છે. તંત્રની ઝડપી કાર્યવાહી અને પોલિસની ચુસ્ત પેટ્રોલિંગના કારણે ભવિષ્યના મોટા ભેળસેળના બનાવો અટકાવાયા. હવે લેબ રિપોર્ટ સામે આવ્યાં બાદ નકલી ઘી બનાવનારા સામે કડક કાયદેસર પગલાં લેવાશે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
