Bindia
જૂનાગઢ જિલ્લામાં ફરી એકવાર ગેસ ગળતરની દુર્ઘટનાએ હાહાકાર મચાવ્યો છે. ભેંસાણ તાલુકાના રામપુર ગામે સેફ્ટી ટેંક સાફ કરી રહ્યાં હતાં ત્યારે ઝેરી ગેસના ગળતરથી બે શ્રમિકોના કમકમાટીભર્યા મોત નીપજ્યા છે. ઘટનામાં મકાનમાલિક પણ ઝેરી અસરથી બેફામ થતા તેમને તાત્કાલિક હોસ્પિટલમાં ખસેડવામાં આવ્યા છે.
મળતી માહિતી મુજબ, ધર્મેન્દ્ર કુબાવતના ઘરની અંદર આવેલ સેફ્ટી ટેંક સાફ કરવા માટે બે શ્રમિકો ઉતર્યા હતાં. આ દરમિયાન અચાનક ગેસ ગળતર થયું હતું. પહેલા શ્રમિકને અસર થતા બીજો શ્રમિક તેની મદદ માટે ટેંકમાં ઉતર્યો, પરંતુ તે પણ બેફામ થઇ ગયો. ત્યારબાદ ત્રીજો વ્યક્તિ ટેંકમાં ઊતરતા તે પણ બેફામ થયો.
અજાણતાં ગેસના સંસર્ગમાં આવતા એક પછી એક ત્રણ લોકો બેફામ થઇ જતા આસપાસના લોકો દોડી આવ્યા અને તમામને બહાર કાઢી તાત્કાલિક હોસ્પિટલમાં ખસેડ્યા હતાં. પરંતુ તબીબોએ બે શ્રમિકોને મૃત જાહેર કર્યા, જ્યારે મકાનમાલિકની હાલત ગંભીર હોવાનું જાણવા મળ્યું છે અને તેમની સારવાર ચાલી રહી છે.
