Bindia
એજિયન સમુદ્રના ચિઓસ ટાપુ નજીક મંગળવારની મોડી રાત્રે એક કાળજું કંપાવી દેતી ઘટના સર્જાઈ. ગ્રીક કોસ્ટ ગાર્ડનું પેટ્રોલિંગ જહાજ અને શરણાર્થીઓ લઈને આવી રહેલી હાઈ-સ્પીડ બોટ વચ્ચે ટક્કર થવા થી દુર્ભાગ્યપૂર્ણ અકસ્માત થયો, જેમાં અત્યાર સુધી 15 લોકોના મોતની પુષ્ટિ થઈ છે. મોતમાં 11 પુરૂષો અને 4 મહિલાઓનો સમાવેશ થાય છે. અનેક લોકો હજુ સમુદ્રમાં ગુમ છે, અને મૃત્યુઆંક વધવાની શક્યતા છે.
અકસ્માતના કારણો
કોસ્ટ ગાર્ડના સત્તાવાર નિવેદન મુજબ, આ સ્પીડબોટ નેવિગેશન લાઇટ વગર અંધારામાં તુર્કી કિનારેથી ગ્રીસ તરફ આવી રહી હતી. જ્યારે પેટ્રોલિંગ જહાજે અવાજ અને પ્રકાશના સંકેતો આપી તેને રોકવાનો પ્રયાસ કર્યો, ત્યારે બોટના ચાલકે દિશા બદલી અને સીધી ટક્કર થઈ. તેના કારણે બોટ સમુદ્રમાં પલટી ખાઈ ગઈ.
બચાવ કામગીરી
રેસ્ક્યુ ઓપરેશન દરમિયાન અત્યાર સુધી 24 લોકો બચાવવામાં આવ્યા, જેમાં 11 બાળકો અને 2 સગર્ભા મહિલાઓ પણ શામેલ છે. હોસ્પિટલના સૂત્રો અનુસાર, કેટલાક બાળકોની હાલત ગંભીર છે અને તેમને આઈસીયુમાં સારવાર આપવામાં આવી રહી છે. દુર્ભાગ્યવશ, સારવાર દરમિયાન બે સગર્ભા મહિલાઓએ ગર્ભપાતનો સામનો કરવો પડ્યો છે.
ગ્રીસ સરકારની પ્રતિક્રિયા
આ ઘટનાને લઈને ગ્રીસના મેરીટાઇમ અફેર્સ મંત્રી વાસિલિસ કિલીલિયસએ ઊંડો શોક વ્યક્ત કર્યો છે અને તેને માનવીય ત્રાસદી ગણાવી છે. હાલમાં, એરફોર્સના સુપર પુમા હેલિકોપ્ટર, ખાનગી ડાઇવર્સ અને ચાર પેટ્રોલિંગ જહાજો દ્વારા સમુદ્રમાં સર્ચ ઓપરેશન ચાલી રહ્યું છે, જેથી કોઈ અન્ય ગુમ થયેલ વ્યક્તિ મળી શકે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
