Bindia
B INDIA જૂનાગઢ : જૂનાગઢમાં બુટલેગરે પોલીસ પર હુમલો કર્યો છે. સી ડિવિઝનના PI વત્સલ સાવજ પર હુમલો થયો હોવાની વાત હતી. આરોપી બુટલેગર ફરાર હતો અને તે લગ્ન પ્રસંગમાં આવ્યો હોવાની વાત સામે આવી હતી. અને તે બાતમીના આધારે પોલીસ તેને ઝડપવા ગઈ હતી. ત્યારે પોલીસને જોઈ તેણે હુમલો કર્યો હતો. અને ફરાર થઈ ગયો હતો.
-> પોલીસ પર હુમલો :- બુટલેગરો બેફામ બન્યા છે અને કોના આશીર્વાદથી તેઓ પોલીસ પર હુમલો કરે છે તે ખબર નથી પડતી ત્યારે ગાંધીગ્રામ વિસ્તારમાં બુટલેગર લગ્નમાં હાજરી આપવામાં આવ્યો હતો અને પોલીસ તેને ઝડપવા પહોંચી તો પોલીસ પર હુમલો કરતા આસપાસના લોકોમાં પણ ભાગદોડ મચી હતી. ત્યારે પીઆઈને જોઈ બુટલેગર આરોપીએ તેમની પર હુમલો કરતા પીઆઈને તાત્કાલિક સારવાર માટે હોસ્પિટલમાં ખસેડયા હતા. તો પોલીસે પાંચથી વધુ શખ્સો સામે ફરિયાદ નોંધી છે.
બુટલેગર ફરી એક વાર પોલીસ પર હાવી થયો હતો. અને જાહેરમાં પીઆઈ પર હુમલો કરતા પોલીસ પણ ગભરાઈ હતી ત્યારે હુમલો કરી બુટલેગર લગ્નમાંથી ફરાર થઈ ગયો હતો અને પોલીસ તેની પાછળ દોડતી રહી,ત્યારે આ ઘટનાને લઈ અન્ય લોકો પણ ગભરાઈ ગયા હતા.
