Bindia
ઓસ્ટ્રેલિયા અને દક્ષિણ આફ્રિકાની ટીમના ઘણા મજબૂત ખેલાડીઓ ઈજાના કારણે ચેમ્પિયન્સ ટ્રોફીમાંથી બહાર થઈ ગયા છે. હવે ન્યુઝીલેન્ડની ટીમને પણ મોટો ઝટકો લાગે છે. ટીમનો સ્ટાર ખેલાડી ઈજાગ્રસ્ત છે, જેના કારણે આ ખેલાડી માટે ચેમ્પિયન્સ ટ્રોફીમાં રમવું મુશ્કેલ માનવામાં આવે છે. દુબઈમાં રમાઈ રહેલી ILT20 લીગમાં ઘણા દેશોના મોટા ખેલાડીઓ રમી રહ્યા છે. જેમાં ન્યુઝીલેન્ડના ફાસ્ટ બોલર લોકી ફર્ગ્યુસનનું નામ પણ સામેલ છે.
લોકી ડેઝર્ટ વાઇપર્સ ટીમ તરફથી રમી રહ્યો હતો. આ સમય દરમિયાન, તે દુબઈ કેપિટલ્સ સાથે રમાયેલી પ્રથમ ક્વોલિફાયર મેચમાં હેમસ્ટ્રિંગની સમસ્યા સાથે સંઘર્ષ કરતો જોવા મળ્યો હતો. જેના કારણે તેને મેદાન છોડવું પડ્યું હતું. જે બાદ લોકી ફર્ગ્યુસનને સ્કેન માટે જવું પડ્યું. લોકી ફર્ગ્યુસન પણ આ ટુર્નામેન્ટમાં ડેઝર્ટ વાઇપર્સ ટીમની કેપ્ટનશીપ કરી રહ્યા હતા.
ન્યૂઝીલેન્ડ ટીમના મુખ્ય કોચ ગેરી સ્ટેડે પાકિસ્તાનમાં ત્રિકોણીય શ્રેણી પહેલા કહ્યું હતું કે, “લોકીને યુએઈમાં સ્કેન કરવામાં આવ્યો હતો. અમારી પાસે તસવીરો છે અને અમે રેડિયોલોજિસ્ટ પાસેથી રિપોર્ટ મેળવવાની રાહ જોઈ રહ્યા છીએ કે તે કેટલું ગંભીર છે. “એવું લાગે છે કે હેમસ્ટ્રિંગમાં નાની ઈજા છે, તેથી અમે સલાહ માટે સમયમર્યાદાની રાહ જોઈ રહ્યા છીએ, પછી જ અમે નક્કી કરીશું કે લોકી અહીં આવશે કે અમારે ચેમ્પિયન્સ ટ્રોફી માટે તેના સ્થાને અન્ય કોઈને લાવવું પડશે.”ILT20 લીગની પ્રથમ ક્વોલિફાયર મેચ ડેઝર્ટ વાઇપર્સ અને દુબઈ કેપિટલ્સ વચ્ચે રમાઈ હતી. જેમાં ડેઝર્ટ વાઇપર્સને દુબઈ કેપિટલ્સના હાથે હારનો સામનો કરવો પડ્યો હતો.
