Bindia
આજથી CBSEની ધોરણ 10 અને 12ની પરીક્ષા શરુ થઈ છે. રાજ્યની 680 સ્કૂલોના 70 હજારથી વધુ વિદ્યાર્થીઓ પરીક્ષા આપી રહ્યાં છે,અમદાવાદના 21 કેન્દ્રમાં 14 હજાર 281 વિદ્યાર્થી પરિક્ષા આપશે,. CBSE બોર્ડે પરિક્ષામાં ગેરરિતી ન સર્જાય તે માટે કરી વિશેષ વ્યવસ્થા કરવામાં આવી છે. 240 વિદ્યાર્થી દીઠ એક CCTV મોનિટરિંગ ઓફિસરને મૂકવામાં આવ્યાં છે. પરીક્ષા સવારે 10.30 વાગ્યાથી શરૂ થઇ છે. ધોરણ 10ની પરીક્ષા 15મી ફેબ્રુઆરીથી 18મી માર્ચ અને 12મા ધોરણની પરીક્ષા 15મી ફેબ્રુઆરીથી 4 એપ્રિલ 2025 દરમિયાન લેવામાં આવશે.
પ્રથમ દિવસે, ધોરણ 10ના વિદ્યાર્થીઓ માટે અંગ્રેજી કોમ્યુનિકેટિવ, ભાષા અને સાહિત્ય અને ધોરણ 12માના વિદ્યાર્થીઓ માટે એન્ટરપ્રિન્યોરશીપ વિષયની પરીક્ષા લેવામાં આવશે. CBSE એ વિષય વિશિષ્ટ માર્ગદર્શિકા બહાર પાડી છે, જેમાં વિષય કોડ, વર્ગ સ્પષ્ટીકરણ, થિયરી અને પ્રેક્ટિકલ માટે મહત્તમ ગુણ, પ્રોજેક્ટ વર્ક, આંતરિક મૂલ્યાંકન અને જવાબ પત્રકનું ફોર્મેટ જેવી મહત્વપૂર્ણ માહિતી આપવામાં આવી છે.
પરીક્ષાઓનું સુચારુ સંચાલન સુનિશ્ચિત કરવા માટે, શાળાઓને આ સૂચનાઓનું ચુસ્તપણે પાલન કરવા સૂચના આપવામાં આવી છે. વિદ્યાર્થીઓ CBSE શૈક્ષણિક વેબસાઇટ cbseacademic.nic.in પર ધોરણ 10 અને 12ના નમૂનાના પ્રશ્નપત્રો ચકાસી શકે છે. આ વિદ્યાર્થીઓને નવીનતમ પ્રશ્ન ફોર્મેટ, માર્કિંગ અને પરીક્ષા પેટર્નથી પરિચિત કરવા માટે ડિઝાઇન કરવામાં આવ્યા છે, જેથી તેઓ તેમની બોર્ડની પરીક્ષા માટે અસરકારક રીતે તૈયારી કરી શકે.
