યમુનોત્રી-ગંગોત્રી ધામના કપાટ ખુલ્યા: વૈદિક મંત્રોચ્ચાર સાથે ચારધામ યાત્રાની શરૂઆત

ઉત્તરાખંડમાં સ્થિત પવિત્ર યમુનોત્રી અને ગંગોત્રી ધામના કપાટ રવિવારે વૈદિક મંત્રોચ્ચાર અને ધાર્મિક વિધિ સાથે શ્રદ્ધાળુઓ માટે ખુલ્યા છે. આ સાથે જ હિન્દુ ધર્મની મહત્વપૂર્ણ ચાર ધામ યાત્રાની વિધિવત શરૂઆત થઈ છે.

યમુનોત્રી ધામના કપાટ બપોરે 12:35 વાગ્યે અને ગંગોત્રી ધામના દરવાજા 12:15 વાગ્યે ખોલવામાં આવ્યા હતા. કપાટ ખુલતાની સાથે સમગ્ર વિસ્તાર “જય મા યમુના”ના જયઘોષથી ગુંજી ઉઠ્યો હતો અને ભક્તિમય વાતાવરણ સર્જાયું હતું. આ પાવન અવસર પર સ્થાનિક ગ્રામજનો સહિત દેશ-વિદેશથી આવેલા સેંકડો ભક્તોએ હાજરી આપી હતી. સવારથી જ મંદિરોમાં પૂજા-અર્ચના અને ધાર્મિક અનુષ્ઠાનો ચાલી રહ્યા હતા.

સ્થાનિક વહીવટીતંત્ર, મંદિર સમિતિ અને જનપ્રતિનિધિઓએ યાત્રાળુઓનું ભવ્ય સ્વાગત કર્યું છે. યાત્રા દરમિયાન શ્રદ્ધાળુઓની સુવિધા, સુરક્ષા અને સરળ દર્શન માટે ખાસ વ્યવસ્થાઓ કરવામાં આવી છે. આ પ્રસંગે ઉત્તરાખંડ સરકાર દ્વારા યાત્રા માર્ગ પર સુરક્ષા અને વ્યવસ્થાપનને લઈને ખાસ તૈયારીઓ કરવામાં આવી છે. વિવિધ જિલ્લાઓમાં તંત્રને સતર્ક રાખવામાં આવ્યું છે અને સતત મોનિટરિંગ કરવામાં આવી રહ્યું છે.

વહીવટીતંત્રે યાત્રાળુઓને હવામાન, આરોગ્ય અને સુરક્ષા માર્ગદર્શિકાનું પાલન કરવા અપીલ કરી છે જેથી યાત્રા સલામત અને સુગમ બની રહે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in