TAT 2026 પ્રાથમિક કસોટીનું પરિણામ જાહેર: હજારો ઉમેદવારો સફળ

રાજ્ય પરીક્ષા બોર્ડ દ્વારા લેવામાં આવેલી TAT 2026 પ્રાથમિક કસોટીનું પરિણામ સત્તાવાર રીતે જાહેર કરવામાં આવ્યું છે. આ પરિણામ ગુજરાતી, અંગ્રેજી અને હિન્દી એમ ત્રણેય માધ્યમો માટે એકસાથે પ્રસિદ્ધ કરવામાં આવ્યું છે. ઉમેદવારો સત્તાવાર વેબસાઇટ www.sebexam.org પર જઈ પોતાનું પરિણામ ઓનલાઈન જોઈ શકે છે.

1.47 લાખ ઉમેદવારોએ આપી પરીક્ષા
આ વર્ષે રાજ્યભરમાંથી કુલ 1,47,584 ઉમેદવારોએ TAT પ્રાથમિક પરીક્ષા આપી હતી. પરિણામમાં મોટી સંખ્યામાં ઉમેદવારોને સફળતા મળી છે અને વિવિધ સ્કોર બેન્ડ મુજબ આંકડા જાહેર કરવામાં આવ્યા છે.

ગુણ અનુસાર ઉમેદવારોની સંખ્યા
જાહેર થયેલા આંકડા મુજબ:
– 70થી વધુ ગુણ: 51,971 ઉમેદવાર
– 80થી વધુ ગુણ: 34,644 ઉમેદવાર
– 90થી વધુ ગુણ: 20,893 ઉમેદવાર
– 100થી વધુ ગુણ: 10,876 ઉમેદવાર
– 120થી વધુ ગુણ: 1,666 ઉમેદવાર

મુખ્ય પરીક્ષા માટે પાત્રતા
પ્રાથમિક કસોટીમાં કટઓફ મુજબ લાયક થયેલા ઉમેદવારો હવે TAT મુખ્ય પરીક્ષા માટે પાત્ર બનશે. આગળની ભરતી પ્રક્રિયામાં તેઓ ભાગ લઈ શકશે.

પુનઃ ચકાસણી માટે તક
જે ઉમેદવારો પોતાના ગુણથી અસંતોષ છે, તેઓ 18 જૂનથી 30 જૂન વચ્ચે ઓનલાઇન અરજી કરીને ગુણોની પુનઃ ચકાસણી માટે અરજી કરી શકે છે. આ માટે નિયત ફી ભરવી પડશે.

આગળની પ્રક્રિયા
હવે સફળ ઉમેદવારો માટે મુખ્ય પરીક્ષાની તૈયારીનો તબક્કો શરૂ થશે, જ્યારે બાકીના ઉમેદવારો પુનઃ ચકાસણી પ્રક્રિયા દ્વારા પરિણામ ફરી તપાસી શકશે.