Bindia
બાંગ્લાદેશના ભૂતપૂર્વ વડા પ્રધાન ખાલિદા ઝિયાના પુત્ર તારિક રહેમાને, જેઓ 17 વર્ષ પછી પોતાના વતન પરત ફર્યા હતા, ગુરુવારે તેમના સ્વાગત માટે આયોજિત એક રેલીને સંબોધિત કરી. હજારો લોકોની ભીડને સંબોધતા, તારિકે દેશમાં શાંતિ માટે હાકલ કરી. બાંગ્લાદેશ નેશનલિસ્ટ પાર્ટી (BNP) ના કાર્યકારી અધ્યક્ષ તારિક રહેમાને કહ્યું કે બાંગ્લાદેશની પહેલી પ્રાથમિકતા શાંતિ સ્થાપિત કરવાની હોવી જોઈએ.
ઉલ્લેખનીય છે કે તારિક રહેમાન 17 વર્ષના અંતરાલ પછી ગુરુવારે બ્રિટનથી સ્વદેશ પરત ફર્યા હતા. રહેમાનની સાથે તેમની પત્ની ઝુબૈદા રહેમાન અને પુત્રી ઝૈમા રહેમાન પણ ઢાકા પહોંચ્યા હતા. બીએનપીની સ્થાયી સમિતિના સભ્યોએ એરપોર્ટ પર તેમનું ભવ્ય સ્વાગત કર્યું હતું. બીએનપીના હજારો સમર્થકો તેમના સ્વાગત માટે રસ્તાઓ પર ઉમટી પડ્યા હતા. ઢાકામાં સભાને સંબોધતા તારિક રહેમાને દેશમાં શાંતિની અપીલ કરી હતી. તેમણે ખાતરી આપી હતી કે તેઓ બાંગ્લાદેશમાં સ્થિરતા અને શાંતિ સુનિશ્ચિત કરવા માટે કામ કરશે.
શાંતિ અને ગૌરવ જાળવવું પહેલી પ્રાથમિકતા
રહેમાને કહ્યું, “પુરુષો હોય, સ્ત્રીઓ હોય કે બાળકો, બાંગ્લાદેશની શાંતિ સ્થાપવી અને ગૌરવ જાળવવુંએ હમેશા માટે આપણી પહેલી પ્રાથમિકતા હોવી જોઈએ. આપણે બધા સાથે મળીને કામ કરીશું અને આપણા સપનાના બાંગ્લાદેશનું નિર્માણ કરીશું.” પોતાના ભાષણ દરમિયાન, તારિક રહેમાને માર્ટિન લ્યુથર કિંગ જુનિયરનો પણ ઉલ્લેખ કર્યો. માર્ટિન લ્યુથર કિંગના “આઈ હેવ અ ડ્રીમ” ભાષણનો ઉલ્લેખ કરતા, રહેમાને કહ્યું, “આપણે કોઈપણ કિંમતે બાંગ્લાદેશમાં શાંતિનું રક્ષણ કરવું જોઈએ. મારા દેશના લોકો માટે મારી પાસે એક યોજના છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
