શિવાજી મહારાજના ઈતિહાસ પર ઉઠ્યો વિવાદ, રિતેશ દેશમુખનો તીખો પ્રતિકાર

બોલિવૂડ એક્ટર Riteish Deshmukhની ફિલ્મ ‘રાજા શિવાજી’ હાલમાં ભારે ચર્ચામાં છે. ટ્રેલર રિલીઝ થયા બાદ ફિલ્મને લઈને સોશિયલ મીડિયા પર વિવાદ ઊભો થયો છે. ખાસ કરીને Chhatrapati Shivaji Maharajના પાત્રને કેવી રીતે રજૂ કરવામાં આવ્યું છે તે મુદ્દે લોકો પ્રશ્નો ઉઠાવી રહ્યા છે.

ટ્રેલર બાદ કેમ થયો વિવાદ?

ફિલ્મના ટ્રેલરમાં એક સીન ખૂબ જ વાયરલ થઈ રહ્યો છે, જેમાં શિવાજી મહારાજ (રિતેશ દેશમુખ) એક પાત્રને ખુલ્લેઆમ વાઘ નખ (ટાઈગર ક્લો) બતાવતા જોવા મળે છે. આ સીનને લઈને યુઝર્સનો દાવો છે કે ઇતિહાસ પ્રમાણે શિવાજી મહારાજે અફઝલ ખાન પર હુમલો કરતા પહેલા વાઘ નખ છુપાવી રાખ્યા હતા, જાહેરમાં બતાવ્યા નહોતા.

રાજકીય પ્રતિસાદ પણ આવ્યો

આ મુદ્દે ભાજપ નેતા Suresh Nakhuaએ સોશિયલ મીડિયા પ્લેટફોર્મ X પર ટીકા કરી છે. તેમના કહેવા મુજબ ફિલ્મમાં ઇતિહાસને ખોટી રીતે રજૂ કરવામાં આવ્યો છે. તેમણે આક્ષેપ કર્યો કે ફિલ્મમાં શિવાજી મહારાજની ગૌરવસભર છબી સાથે છેડછાડ કરવામાં આવી છે.
રિતેશ દેશમુખનો જવાબ

વિવાદ વધતા Riteish Deshmukhએ સોશિયલ મીડિયા પર પોતાનું મંતવ્ય રજૂ કર્યું છે. તેમણે જણાવ્યું કે ફિલ્મ બનાવતી વખતે ઇતિહાસ અને સંસ્કૃતિનો પૂરતો માન રાખવામાં આવ્યો છે અને દર્શાવેલા સીનને ક્રિએટિવ રીતે રજૂ કરવામાં આવ્યા છે. સાથે જ તેમણે દર્શકોને ફિલ્મ જોઈને સંપૂર્ણ રીતે સમજવા માટે વિનંતી કરી છે.

ઇતિહાસ vs ક્રિએટિવ લિબરટી

ફિલ્મોને લઈને આ પ્રકારના વિવાદો નવા નથી. ઘણી વખત ફિલ્મમેકર્સને ઇતિહાસ અને મનોરંજન વચ્ચે સંતુલન જાળવવું મુશ્કેલ બની જાય છે. હવે જોવાનું રહ્યું કે ‘રાજા શિવાજી’ રિલીઝ પછી આ વિવાદ શમે છે કે વધુ વધી જાય છે.