Bindia
સુરત શહેરમાં 1 મે, 2026ના રોજ ગુજરાત ગૌરવ દિન ની રાજ્યકક્ષાની ભવ્ય ઉજવણી કરવામાં આવશે. ગુજરાતના સ્થાપના દિવસ નિમિત્તે આયોજિત આ કાર્યક્રમમાં રાજ્યના વરિષ્ઠ મહાનુભાવો ઉપસ્થિત રહેશે.
કાર્યક્રમ અંતર્ગત વી.આર. મોલ, Y જંક્શનથી લાલભાઈ કોન્ટ્રાક્ટર સ્ટેડિયમ સુધી ભવ્ય પોલીસ પરેડ યોજાશે. આ પરેડમાં રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ તથા નાયબ મુખ્યમંત્રી સહિત અનેક અગ્રણીઓ હાજરી આપશે.
પરેડના મુખ્ય આકર્ષણોમાં માર્ચ પાસ્ટ, હર્ષધ્વનિ, મહિલાઓ દ્વારા સાંસ્કૃતિક કાર્યક્રમો અને સાહસિક મોટરસાયકલ સ્ટંટ શૉનો સમાવેશ થાય છે, જે લોકોને ખાસ આકર્ષિત કરશે. નાગરિકો મોટી સંખ્યામાં કાર્યક્રમ નિહાળી શકે તે માટે વિશેષ વ્યવસ્થાઓ કરવામાં આવી છે.
આ ઉપરાંત, રાત્રે 8 વાગ્યે ડુમસ સી-ફેસ ખાતે ભવ્ય સાંસ્કૃતિક કાર્યક્રમ યોજાશે, જેમાં 250થી વધુ કલાકારો ભાગ લેશે. લાઈટ અને સાઉન્ડના આકર્ષક સંયોજન સાથે સુરતના ઈતિહાસથી લઈને આધુનિક વિકાસ સુધીની સફર નાટ્યરૂપે રજૂ કરવામાં આવશે.
કાર્યક્રમ દરમિયાન ‘ગુજરાત ગરિમા એવોર્ડ’ મેળવનાર પ્રતિભાશાળી વ્યક્તિઓનું રાજ્યપાલ અને મુખ્યમંત્રીના હસ્તે સન્માન કરવામાં આવશે. સાથે જ ‘વિકાસ વાટિકા’ અને ‘કોફી ટેબલ’ બુકનું વિમોચન પણ કરવામાં આવશે, જે સુરત જિલ્લાના વિકાસને ઉજાગર કરે છે.
શહેરમાં આ પ્રસંગે સરકારી તેમજ ઐતિહાસિક ઇમારતોને આકર્ષક લાઈટિંગથી શણગારવામાં આવી છે, જેના કારણે સમગ્ર સુરતમાં ઉત્સવમય માહોલ છવાયો છે. ગુજરાત ગૌરવ દિનની આ ઉજવણી શહેર માટે યાદગાર બનવાની સંભાવના છે.
- Follow us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAGRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
