Bindia
Estonia ના રક્ષામંત્રીએ રાજીનામું આપ્યું: યુક્રેનને સમયસર તોપના ગોળા ન આપી શકવાના વિવાદ વચ્ચે ભારતીય કંપની જોડાયેલી ડીલ ચર્ચામાં
Estonia ના રક્ષા મંત્રી હાનો પેવકુરે રાજીનામું આપી દીધું છે. તેમના રાજીનામા પાછળ યુક્રેન માટે કરવામાં આવેલી અંદાજે 768 કરોડ રૂપિયાની દારૂગોળાની ડીલને મુખ્ય કારણ તરીકે જોવામાં આવી રહી છે. આ ડીલમાં ઇટાલીમાં રજિસ્ટર્ડ કંપની Datasell SRL સામેલ હતી, જેની સાથે ભારતીય કંપનીના જોડાણને લઈને પણ ચર્ચા થઈ રહી છે. કંપનીને તોપના ગોળા સપ્લાય કરવાનો કોન્ટ્રાક્ટ આપવામાં આવ્યો હતો, પરંતુ બાદમાં સમયસર સપ્લાય ન થવા અને કેટલાક ગોળા અધૂરા હોવાના આક્ષેપો સામે આવ્યા.
->Estonia 768 કરોડની ડીલથી શરૂ થયો વિવાદ :
યુક્રેન અને રશિયા વચ્ચે ચાલી રહેલા યુદ્ધ દરમિયાન યુક્રેનને મોટા પ્રમાણમાં દારૂગોળાની જરૂરિયાત ઊભી થઈ છે. યુરોપના અનેક દેશો યુક્રેનને સૈન્ય સહાય પૂરી પાડી રહ્યા છે. આ જ કડીમાં Estonia એ પણ યુક્રેન માટે તોપના ગોળાની ખરીદી કરવાનો નિર્ણય લીધો હતો. આ ખરીદી માટે એસ્ટોનિયાના Centre for Defence Investment (CDI) દ્વારા 2024માં Datasell SRL સાથે ચાર અલગ-અલગ કરાર કરવામાં આવ્યા હતા. આ કંપની ઇટાલીમાં રજિસ્ટર્ડ હોવાનું જણાવવામાં આવ્યું છે. આ સમગ્ર ડીલની કિંમત અંદાજે 768 કરોડ રૂપિયા હોવાનું સામે આવ્યું છે. શરૂઆતમાં આ કરારને યુક્રેન માટે જરૂરી દારૂગોળો ઝડપથી ઉપલબ્ધ કરાવવાની દિશામાં મહત્વપૂર્ણ પગલું માનવામાં આવ્યું હતું. જોકે, બાદમાં સપ્લાયમાં વિલંબ થતાં આ ડીલ વિવાદમાં આવી ગઈ.
->Estonia નવેમ્બર 2024માં પહોંચવાનો હતો પ્રથમ જથ્થો:
કરાર મુજબ તોપના ગોળાનો પ્રથમ જથ્થો નવેમ્બર 2024 સુધીમાં યુક્રેન પહોંચાડવાનો હતો. પરંતુ Datasell તરફથી સપ્લાયમાં વિલંબ થયો હોવાના આક્ષેપો કરવામાં આવ્યા.
આ વિલંબના કારણે યુક્રેન માટે જરૂરી દારૂગોળો સમયસર ઉપલબ્ધ ન થઈ શક્યો હોવાના સવાલો ઉઠ્યા. યુદ્ધ જેવી ગંભીર પરિસ્થિતિમાં દારૂગોળાની સમયસર ડિલિવરી અત્યંત મહત્વપૂર્ણ હોય છે. આથી એસ્ટોનિયાની ખરીદી પ્રક્રિયા અને કોન્ટ્રાક્ટરની પસંદગી અંગે પણ ચર્ચા શરૂ થઈ.
->Estonia કેટલાક ગોળા અધૂરા હોવાનો આરોપ :
એસ્ટોનિયાના અધિકારીઓના જણાવ્યા અનુસાર, સપ્લાય કરવામાં આવેલા કેટલાક બેચમાં તોપના ગોળા સંપૂર્ણ સ્થિતિમાં નહોતા. તેમાં ગોળાને ફાયર કરવા માટે જરૂરી કેટલાક મહત્વપૂર્ણ ઘટકો હાજર ન હોવાનું જણાવાયું.
આ ઘટકોમાં ફ્યુઝ, પ્રોપેલન્ટ ચાર્જ અને પ્રાઈમર જેવા ભાગોનો સમાવેશ થાય છે. આ ભાગો વિના સંબંધિત દારૂગોળો ઉપયોગ માટે તૈયાર ન હોવાનું માનવામાં આવે છે.
->Estonia કંપની પાસે અનુભવ ન હોવાનો આરોપ :
આ વિવાદમાં સૌથી મહત્વનો આરોપ એ છે કે Datasell પાસે તોપના ગોળા બનાવવાનો અથવા વેચવાનો પૂરતો અગાઉનો અનુભવ નહોતો. આમ છતાં તેને આટલી મોટી કિંમતનો કોન્ટ્રાક્ટ આપવામાં આવ્યો હોવાનો મુદ્દો ચર્ચામાં આવ્યો છે.
આ ઉપરાંત કંપનીને મોટી રકમ એડવાન્સમાં ચૂકવવામાં આવી હતી હોવાના કારણે પણ સવાલો ઉઠ્યા છે. ખાસ કરીને જ્યારે ડિલિવરીમાં વિલંબ થયો અને કેટલાક સપ્લાય કરવામાં આવેલા સામાનની પૂર્ણતા અંગે વાંધા ઉઠ્યા ત્યારે આ ચુકવણીની પ્રક્રિયા પર પણ ધ્યાન ગયું.
->Estonia Datasellએ તમામ આરોપો નકાર્યા :
બીજી તરફ Datasell SRLએ પોતાના પર લાગેલા આરોપોને નકારી કાઢ્યા છે. કંપનીનું કહેવું છે કે તેણે મોટી માત્રામાં સામાન તૈયાર કર્યો હતો અને તેની સપ્લાય માટે બિલ પણ રજૂ કરવામાં આવ્યા હતા.
કંપનીએ ડિલિવરીમાં થયેલા વિલંબ માટે અન્ય કારણો જવાબદાર હોવાનું જણાવ્યું છે. તેના અનુસાર, અલગ-અલગ દેશોમાંથી જરૂરી મંજૂરી મેળવવામાં અને સંબંધિત દસ્તાવેજો તૈયાર કરવામાં થયેલા વિલંબને કારણે સપ્લાય પ્રક્રિયા પ્રભાવિત થઈ હતી.
->Estonia ના પૈસા ફસાયા:
આ ડીલમાં એસ્ટોનિયાએ અંદાજે 768 કરોડ રૂપિયા ચૂકવ્યા હોવાનું જણાવવામાં આવ્યું છે. હવે આ રકમમાંથી કેટલો હિસ્સો પરત મળી શકે છે તે પણ મહત્વનો પ્રશ્ન છે.જો ડીલમાં ચૂકવવામાં આવેલી રકમ પરત ન મળે અથવા કોન્ટ્રાક્ટ મુજબની સંપૂર્ણ સપ્લાય ન થાય તો એસ્ટોનિયા માટે આ નાણાકીય નુકસાનનો મુદ્દો બની શકે છે. આ મામલે યુરોપિયન કમિશન પણ એસ્ટોનિયા સાથે ચર્ચા કરી રહ્યું હોવાનું જણાવાયું છે. યુરોપિયન સ્તરે પણ આ મામલો મહત્વપૂર્ણ બની શકે છે, કારણ કે યુક્રેનને સૈન્ય સહાય પૂરી પાડવા માટે યુરોપીયન દેશો દ્વારા કરવામાં આવતી ખરીદી અને સપ્લાય વ્યવસ્થા પર સતત નજર રાખવામાં આવી રહી છે.
યુક્રેન માટેની 768 કરોડ રૂપિયાની દારૂગોળાની ડીલ, સપ્લાયમાં વિલંબ, અધૂરા ગોળા હોવાના આરોપ અને રક્ષા મંત્રીના રાજીનામાને કારણે એસ્ટોનિયામાં આ મામલો મોટો રાજકીય અને રક્ષા ક્ષેત્રનો વિવાદ બની ગયો છે. હવે એસ્ટોનિયાને ચૂકવાયેલી રકમમાંથી કેટલા પૈસા પરત મળે છે અને ડીલમાં વાસ્તવિક ખામી ક્યાં રહી હતી તે અંગેની તપાસ પર સૌની નજર રહેશે.
- us on WHATSAPP :- https://whatsapp.com/channel/0029Va4r…
- WEBSITE : https://bindia.co/
- INSTAFollow GRAM : https:// bindia.in
- FACEBOOK : https://www.facebook.com/buletinindialive
- X : https://x.com/bindia276
