Bindia
કેન્દ્રશાસિત પ્રદેશ દીવમાં આગામી 5 નવેમ્બરે ગ્રામ પંચાયત અને જિલ્લા પંચાયતની ચૂંટણી યોજાવાની છે. અગાઉની ચૂંટણીમાં જીલ્લા પંચાયતની 8 સીટોમાંથી ભાજપના ઉમેદવારોને 5 સીટો મળી હતી, જ્યારે બુચરવાડા અને જોલાવાડી ગ્રામ પંચાયતોમાં સરપંચો અને 8 વોર્ડના સભ્યો ભાજપના ઉમેદવારો બીન હરીફ વિજેતા જાહેર થયા હતા. આ સમયે સર્ટિફિકેટ દીવ કલેકટર અને ચૂંટણી અધિકારીના હાથે આપવામાં આવ્યા હતા.
આ વખતે જીલ્લા પંચાયતના ત્રણ વોર્ડ નં. 2, 3 અને 6 માં ભાજપ અને અપક્ષ વચ્ચે ચૂંટણી મુકાબલો થશે. દીવ કલેકટરના જણાવ્યા અનુસાર, ટોટલ 14 પોલીંગ સ્ટેશનો પર 90 સરકારી અધિકારીઓ અને કર્મચારીઓ મતદાન સુવિધા માટે મુકાશે. સુરક્ષા માટે દીવથી 50 પોલીસ અધિકારીઓ અને ગુજરાતના ગીર સોમનાથથી 150 મહિલા પોલીસ કર્મીઓની ફરજ રહેશે.
પોલિંગ દરમ્યાન બે સેકટરો વણાંકબારામાં 10 અને બુચરવાડામાં 4 પોલીંગ સ્ટેશનો પર લાઈવ વેબકાસ્ટ કેમેરા મૂકવામાં આવ્યા છે, જેથી કલેકટર સીધી દેખરેખ રાખી શકે. મતદારો માટે પીવાનું પાણી, શૌચાલય અને અન્ય સુવિધાઓ ઉપલબ્ધ રહેશે. બહેતર મતદાન માટે બે દિવસ માટે દારૂ વેચાણ પર પ્રતિબંધ (ડ્રાઈ ડે) પણ જાહેર કરવામાં આવ્યો છે.
આચારસંહિતા અને ઈલેકશન કમિશનના નિયમો અનુસાર પ્રશિક્ષિત ટ્રેનરો દ્વારા સ્ટાફને તાલીમ આપવામાં આવી છે. ચૂંટણીમાં મોટી સંખ્યામાં મતદારો આવીને પોતાનો મતાધિકાર ઉપયોગ કરી શકે, અને નવા મતદારોને પણ મતદાન સુવિધા મળી શકે તે માટે વ્યવસ્થાઓ ઘડવામાં આવી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
