દિલજીત દોસાંજનો કેનેડામાં દબદબો: ખાલિસ્તાની ઝંડા લહેરાવનારાઓને સ્ટેજ પરથી ચેતવણી

કેનેડામાં લાઈવ કોન્સર્ટ દરમિયાન પંજાબી ગાયક દિલજીત દોસાંઝે ખાલિસ્તાની સમર્થનમાં સૂત્રોચ્ચાર કરનારા કેટલાક લોકો સામે કડક વલણ અપનાવીને ચર્ચાનો વિષય બની ગયો છે. કોન્સર્ટ દરમિયાન બનેલી આ ઘટના હવે સોશિયલ મીડિયા પર ઝડપથી વાયરલ થઈ રહી છે.

સ્ટેજ પરથી જ આપી કડક ચેતવણી
વાયરલ વીડિયોમાં જોવા મળે છે કે દિલજીત દોસાંઝ પોતાનું પર્ફોર્મન્સ આપી રહ્યો હતો, ત્યારે ભીડમાં કેટલાક લોકો ખાલિસ્તાની ઝંડા લહેરાવતા નજરે પડ્યા. આ જોઈને તેણે તરત જ ગાયન રોકી દીધું અને માઈક પર જ કહ્યું કે, “જેટલા ઝંડા બતાવવા હોય બતાવો, પણ જરૂર પડી તો તમને ઉઠાવીને બહાર ફેંકી દઈશ.” તેના આ સ્પષ્ટ અને કડક નિવેદન પર હાજર ફેન્સે તાળીઓથી સમર્થન આપ્યું.

તજિન્દર બગ્ગાએ કરી પ્રશંસા
ભાજપના નેતા તેજિંદર બગ્ગાએ આ વીડિયો સોશિયલ મીડિયા પ્લેટફોર્મ X પર શેર કરીને દિલજીતની હિંમત અને વલણની પ્રશંસા કરી હતી. તેમણે લખ્યું કે દિલજીતે બતાવી દીધું કે “બેકબોન” કોને કહેવાય.

ફેન્સનો મળ્યો જબરદસ્ત સપોર્ટ
દિલજીતના ફેન્સે પણ તેના આ વલણને સમર્થન આપ્યું છે. ઘણા યુઝર્સે તેને “રિયલ સુપરસ્ટાર” ગણાવ્યો છે. જોકે, કેટલાક લોકોએ વિદેશમાં આવા તત્વો સામે ખુલ્લેઆમ અવાજ ઉઠાવવાને લઈને તેની સુરક્ષા અંગે ચિંતા પણ વ્યક્ત કરી છે.

કરિયરમાં સતત ઉછાળો
દિલજીત દોસાંઝ હાલ ગ્લોબલ મ્યુઝિક આઈકન તરીકે ઉભરી રહ્યો છે. તાજેતરમાં તે Border 2માં એરફોર્સ ઓફિસર તરીકે જોવા મળ્યો હતો. હવે તે મે વાપાસ આઉંગામાં મુખ્ય ભૂમિકામાં નજરે પડશે.

 

• Follow us on WHATSAPP :- https://whatsapp.com/channel/0029Va4r…
• WEBSITE : https://bindia.co/
• INSTAGRAM : https:// bindia.in
• FACEBOOK : https://www.facebook.com/buletinindialive 
• X : https://x.com/bindia276