અંબાજી વાસીઓ અને યાત્રિકો માટે સાવધાન! અંબાજી-આબુ રોડ જાણો કેટલા મહિના માટે રહેશે બંધ…?

બનાસકાંઠા : અંબાજી માતાના મંદિર વિસ્તારના વિકાસના કામોને વેગ આપવા માટે વહીવટી તંત્ર દ્વારા એક મહત્વપૂર્ણ નિર્ણય લેવામાં આવ્યો છે. અંબાજી ટાઉનમાં અંડરપાસના બાંધકામની કામગીરી શરૂ થતાં, અંબાજીથી આબુ રોડને જોડતા રસ્તાઓ પર પ્રતિબંધ લાદવામાં આવ્યો છે. જિલ્લા મેજિસ્ટ્રેટ મિહિર પટેલ (IAS) દ્વારા આ અંગેનું સત્તાવાર જાહેરનામું પ્રસિધ્ધ કરવામાં આવ્યું છે.

શું રહેશે પ્રતિબંધો?

-> આ જાહેરનામા મુજબ બે મુખ્ય પ્રતિબંધો અમલમાં રહેશે:

ભારે વાહનો માટે: ડી.કે. ત્રિવેદી સર્કલથી ગબ્બર સર્કલ સુધીના માર્ગ પર ૧૨ મીટરથી વધુ લંબાઈના ભારે વાહનો (HGV) અને ૧૫ મીટરથી વધુ લંબાઈના આર્ટીક્યુલેટેડ વાહનો માટે ૨૫ મે ૨૦૨૬ થી ૨૮ ફેબ્રુઆરી ૨૦૨૭ સુધી, સવારે ૭:૦૦ થી રાત્રે ૧૦:૦૦ વાગ્યા સુધી પ્રતિબંધ રહેશે.

સર્વસાધારણ ટ્રાફિક માટે: જૂના નાકા અંબાજીથી અંબાજી-આબુ રોડ તરફ જતો રસ્તો તમામ પ્રકારના વાહનો અને પદયાત્રીઓ માટે ૨૫ મે ૨૦૨૬ થી ૧૫ સપ્ટેમ્બર ૨૦૨૬ સુધી સંપૂર્ણપણે બંધ રહેશે.

વૈકલ્પિક રૂટ (વૈકલ્પિક માર્ગો)

તંત્ર દ્વારા ટ્રાફિકના નિયમન માટે નીચે મુજબના ડાયવર્ઝન જાહેર કરવામાં આવ્યા છે:

• આબુરોડથી અંબાજી તરફ: આબુરોડથી આવતા ભારે વાહનોને સીધા પાલનપુર તરફ ડાયવર્ટ કરવાના રહેશે.
• હિંમતનગર તરફથી અંબાજી: આ વાહનોને ડી.કે. ત્રિવેદી સર્કલથી દાંતા થઈને પાલનપુર તરફ વાળવાના રહેશે.
• ભાદરવી પૂનમ મહામેળા માટે: મેળા દરમિયાન ટ્રાફિક નિયંત્રણ માટે હડાદ-પોશીના-દાણબોરા-નીચલાગઢ-આબુરોડ રૂટનો ઉપયોગ વૈકલ્પિક માર્ગ તરીકે કરવાનો રહેશે.
• જૂના નાકા અંબાજી રૂટના વિકલ્પે: અંબાજી ટાઉનના અન્ય આંતરિક માર્ગોનો ઉપયોગ કરવાનો રહેશે.
  
  

આ જાહેરનામાનું ઉલ્લંઘન કરનાર વ્યક્તિ ગુજરાત પોલીસ અધિનિયમ-૧૯૫૧ ની કલમ-૧૩૧ તથા ૧૩૫ અને ભારતીય ન્યાય સંહિતા, ૨૦૨૩ ની કલમ-૨૨૩ મુજબ શિક્ષાને પાત્ર ઠરશે. પી.એસ.પી. પ્રોજેક્ટ લિમિટેડ અને યાત્રાધામ વિકાસ બોર્ડને કામગીરી દરમિયાન યોગ્ય સાઇનેજીસ અને બોર્ડ લગાવવાની સૂચના આપવામાં આવી છે.

નોંધ: મુસાફરોને વિનંતી છે કે તેઓ આ સમયગાળા દરમિયાન મુસાફરીનું આયોજન ઉપર દર્શાવેલ વૈકલ્પિક માર્ગોને ધ્યાનમાં રાખીને કરે.

• Follow us on WHATSAPP :- https://whatsapp.com/channel/0029Va4r…
• WEBSITE : https://bindia.co/
• INSTAGRAM : https:// bindia.in
• FACEBOOK : https://www.facebook.com/buletinindialive 
• X : https://x.com/bindia276