હોર્મુઝ મુદ્દે બ્રિટનનો અમેરિકાને સ્પષ્ટ સંદેશ: યુદ્ધથી દૂર રહીશું, નાકાબંધીનો વિરોધ

બ્રિટિશ વડાપ્રધાન કીર સ્ટારમરએ હોર્મુઝ જળમાર્ગને લઈને અમેરિકાને સ્પષ્ટ સંદેશ આપ્યો છે કે બ્રિટન કોઈપણ પ્રકારની લશ્કરી કાર્યવાહી કે નાકાબંધીમાં સામેલ નહીં થાય. તેમણે કહ્યું કે Strait of Hormuz આંતરરાષ્ટ્રીય વેપાર માટે અત્યંત મહત્વપૂર્ણ છે અને અહીં જહાજોની મુક્ત અવરજવર જાળવવી અનિવાર્ય છે.

સ્ટાર્મરે ભારપૂર્વક જણાવ્યું કે હોર્મુઝમાં અવરોધ ઊભો થશે તો વૈશ્વિક ઊર્જા પુરવઠા પર ગંભીર અસર પડશે, જેનાથી દુનિયાભરમાં મોંઘવારી વધવાની શક્યતા છે. “અમે કોઈપણ દબાણમાં યુદ્ધમાં સામેલ નહીં થઈએ. હોર્મુઝ ખુલ્લો રહે તે જરૂરી છે,” એમ તેમણે સ્પષ્ટ કર્યું.

પેટ્રોલ-ડીઝલ પર બ્રિટનનો રાહતનો નિર્ણય
મિડલ ઈસ્ટમાં વધતા તણાવને ધ્યાનમાં રાખીને બ્રિટન સરકારે દેશની અંદર પણ તૈયારી શરૂ કરી છે. મળતી માહિતી અનુસાર, પેટ્રોલ અને ડીઝલ પર પ્રતિ લિટર આશરે 17 પેન્સનો ટેક્સ ઘટાડવામાં આવ્યો છે. આ રાહત આગામી બે મહિના માટે અમલમાં રહેશે, જેથી સંભવિત ઈંધણના ભાવવધારા સામે સામાન્ય નાગરિકોને થોડી રાહત મળી શકે.

“યુદ્ધ ઉકેલ નથી”: સ્ટાર્મર
સ્ટાર્મરે કહ્યું કે યુદ્ધ કે નાકાબંધી કોઈ સમસ્યાનો ઉકેલ નથી. બ્રિટન હંમેશા આંતરરાષ્ટ્રીય કાયદા અને સમુદ્રી સુરક્ષાનું સમર્થન કરે છે. તેમણે ઉમેર્યું કે વેપારી જહાજોની સુરક્ષા માત્ર લશ્કરી મુદ્દો નથી, પરંતુ વૈશ્વિક અર્થતંત્રની સ્થિરતા માટે પણ અગત્યની છે.

હોર્મુઝનું વૈશ્વિક મહત્વ
હોર્મુઝ જળમાર્ગ ઈરાન અને ઓમાન વચ્ચે આવેલો સાંકડો દરિયાઈ માર્ગ છે, જ્યાંથી વિશ્વના કુલ તેલ વેપારનો લગભગ 20 ટકા હિસ્સો પસાર થાય છે. આ કારણે આ વિસ્તારમાં કોઈપણ તણાવ કે અવરોધ સમગ્ર વિશ્વના બજારોને અસર કરી શકે છે. ઈરાન અગાઉ અનેક વખત આ માર્ગ બંધ કરવાની ધમકી આપી ચૂક્યું છે, જેના કારણે આ વિસ્તાર સતત સંવેદનશીલ રહ્યો છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…