આણંદ: સ્વચ્છતાના નામે નેતાઓનું 5 મિનિટનું 'ફોટો સેશન'!

આણંદ: કરમસદ-આણંદ મહાનગરપાલિકામાં સત્તાના સૂત્રો સંભાળ્યા બાદ ભાજપની ચૂંટાયેલી પાંખ હવે એક્શનમાં તો આવી છે, પણ આ એક્શન જનતાની સેવા માટે છે કે પછી સોશિયલ મીડિયા પર ‘રીલ્સ’ અને ‘ફોટો સેશન’ માટે? આ સવાલ અમે નથી પૂછી રહ્યા, પરંતુ આણંદની જનતામાં સોશિયલ મીડિયાના ક્રેઝ પાછળ ઘેલી બનેલી નેતાગીરી સામે ભારે આક્રોશ સાથે ચર્ચાઈ રહ્યો છે. આજે આણંદના નવા બસ સ્ટેન્ડ પાસે મહાનગરપાલિકા દ્વારા યોજાયેલા ‘સ્વચ્છતા અભિયાન’માં જે વરવું સત્ય સામે આવ્યું છે, તેણે તંત્રના દાવાઓની પોલ ખોલી નાખી છે.

સફાઈ કરેલી જગ્યા પર જ ફરી સફાઈ! જુઓ નેતાઓનો અનોખો ખેલ

આજે કરમસદ-આણંદ મહાનગરપાલિકાના મેયર દીપિકાબેન પટેલ, ડેપ્યુટી કમિશનર કમલેશ ડાભી, સ્ટેન્ડિંગ કમિટીના ચેરમેન મયુર સુથાર સહિત કોર્પોરેટરોનો મોટો કાફલો નવા બસ સ્ટેન્ડ પાસે ‘સ્વચ્છતા અભિયાન’ ચલાવવા ઉતરી પડ્યો હતો. પરંતુ નવાઈની વાત એ છે કે, નેતાઓએ ઝાડુ મારવા માટે એવી જગ્યા પસંદ કરી જ્યાં ઓલરેડી સફાઈ થયેલી જ હતી!

નવા બસ સ્ટેન્ડની બહાર આવેલી દુકાનોના વેપારીઓ રોજ સવારે પોતાની દુકાન ખોલીને ઓટલો અને ફૂટપાથ જાતે જ સાફ કરી લેતા હોય છે. જ્યાં નહિવત કચરો હતો, તેવી ચકાચક જગ્યા પર મેયર સહિતના પદાધિકારીઓએ હાથમાં મોટા-મોટા ઝાડુ પકડીને કેમેરા સામે પોઝ આપવાનું શરૂ કર્યું હતું.

🎬 ‘રીલ્સ’ બનાવવાની પાંચ મિનિટની કસરત અને નાટકબાજી!

પ્રત્યક્ષદર્શીઓ અને જનતાનો આક્રોશ: “કેટલાક મહિલા કોર્પોરેટરોને તો લાકડીવાળું મોટું ઝાડુ પકડતા પણ ફાવતું ન હતું! માત્ર ૧૦ મીટરના અંતરમાં સાફ-સફાઈ કરવાનું નાટક કરી, પોતાની ઇન્સ્ટાગ્રામ રીલ્સ અને સોશિયલ મીડિયાના ફોટા ક્લિક થઈ ગયા એટલે માત્ર પાંચ જ મિનિટમાં આખું ‘મહા-અભિયાન’ આટોપી લેવામાં આવ્યું હતું.”

👀 પાછળ કચરાના ઢગલા ખડકાયા, પણ વીઆઈપી નજરો ત્યાં ન પહોંચી!

નેતાઓ જ્યાં ફોટો સેશન અને સીન-સટાકા કરી રહ્યા હતા, તેનાથી થોડે જ દૂર એસટી બસ સ્ટેન્ડની પાછળ અને આણંદ હોસ્પિટલની સામેના ભાગમાં કચરાના ડુંગરો ખડકાયેલા હતા. આસપાસના વિસ્તારો ગંદકીથી ખદબદતા હતા અને નગરજનો ત્રાહિમામ પોકારી રહ્યા છે. પરંતુ, વાસ્તવિક ગંદકી વાળા ઢગલા મહાનગરપાલિકાના મેયર કે પદાધિકારીઓની ‘વીઆઈપી નજર’માં આવ્યા નહીં, કારણ કે ત્યાં બેકગ્રાઉન્ડ સારું નહોતું અને ફોટા સારા આવે તેમ નહોતા!

મનપાના અભિયાનનો ગ્રાઉન્ડ રિપોર્ટ

વિગત	નેતાઓનું ફોટો લોકેશન	વાસ્તવિક ગંદકીનું લોકેશન
સ્થળ	નવું બસ સ્ટેન્ડ (દુકાનોની સામેની ફૂટપાથ)	બસ સ્ટેન્ડની પાછળ અને આણંદ હોસ્પિટલની સામે
સ્થિતિ	વેપારીઓ દ્વારા પહેલેથી જ સાફ કરેલી જગ્યા	કચરા અને ગંદકીના મોટો ઢગે-ઢગલા
કાર્યવાહી	માત્ર ૫ મિનિટનું ‘રીલ્સ સેશન’ અને ઝાડુ સાથે પોઝ	તંત્ર દ્વારા સંપૂર્ણ દુર્લક્ષ અને આંખ આડા કાન
પબ્લિક રિએક્શન	નેતાઓના સીન-સટાકા જોઈને જનતામાં હસવું અને આક્રોશ	દુર્ગંધ અને રોગચાળાના ભયથી સ્થાનિકો પરેશાન