મોંઘવારીનો વધુ એક ઝટકો: અમૂલ દૂધના ભાવમાં પ્રતિ લિટર ₹2નો વધારો

Gujarat Cooperative Milk Marketing Federation દ્વારા સંચાલિત Amul એ દૂધના ભાવમાં વધારો કરવાની જાહેરાત કરી છે. નવા દર મુજબ હવે અમૂલ દૂધ પ્રતિ લિટર ₹2 મોંઘું મળશે. વધારેલા ભાવ 14 મે 2026ની મધરાતથી સમગ્ર દેશમાં લાગુ થશે.

મુખ્ય વેરિઅન્ટના ભાવમાં વધારો
અમૂલ દ્વારા કરવામાં આવેલો ભાવ વધારો વિવિધ મુખ્ય દૂધ વેરિઅન્ટ અને પેક પર લાગુ પડશે. ફેડરેશનના જણાવ્યા અનુસાર આ વધારો અંદાજે 2.5% થી 3.5% જેટલો છે, જે વર્તમાન ખાદ્ય ફુગાવાની સરેરાશ કરતાં ઓછો હોવાનું કહેવાયું છે. નોંધનીય છે કે અમૂલ દૂધના ભાવમાં છેલ્લો વધારો મે 2025માં કરવામાં આવ્યો હતો.

શા માટે વધ્યા દૂધના ભાવ?
GCMMF અનુસાર પશુપાલકોના ઉત્પાદન ખર્ચમાં સતત વધારો થવાના કારણે આ નિર્ણય લેવાયો છે.

છેલ્લા એક વર્ષ દરમિયાન:
– પશુ આહારના ભાવમાં વધારો
– દૂધ પેકેજિંગ ફિલ્મ મોંઘી થવી
– બળતણ અને પરિવહન ખર્ચ વધવો
જેવા કારણોસર દૂધ ઉત્પાદન ખર્ચમાં નોંધપાત્ર વધારો નોંધાયો છે. સહકારી સંસ્થાએ ખેડૂતોને ચૂકવાતા ભાવમાં પણ પ્રતિ કિલો ફેટ દીઠ અંદાજે ₹30નો વધારો કર્યો હોવાનું જણાવ્યું છે.

‘ગ્રાહકોના પૈસા સીધા ખેડૂતો સુધી પહોંચે છે’
અમૂલનું કહેવું છે કે ગ્રાહકો પાસેથી મળતા દરેક ₹1માંથી આશરે 80 પૈસા સીધા દૂધ ઉત્પાદકોને આપવામાં આવે છે. આ ભાવ વધારાનો મોટો લાભ પણ લાખો પશુપાલકોને મળશે. ફેડરેશન મુજબ દેશમાં આશરે 36 લાખ દૂધ ઉત્પાદકો આ સહકારી માળખા સાથે જોડાયેલા છે અને વધારેલી આવક તેમને પશુપાલન વ્યવસાય ચાલુ રાખવામાં મદદરૂપ બનશે.

મધ્યમ વર્ગના બજેટ પર અસર
દૂધના ભાવમાં થયેલા વધારાની સીધી અસર સામાન્ય પરિવારોના માસિક બજેટ પર પડી શકે છે. સાથે જ ચા, કોફી, મીઠાઈ અને અન્ય ડેરી ઉત્પાદનો પણ મોંઘા થવાની શક્યતા વ્યક્ત કરવામાં આવી રહી છે. અર્થતંત્રના નિષ્ણાતોનું માનવું છે કે દૂધના વધેલા ભાવ ખાદ્ય ફુગાવા પર પણ અસર કરી શકે છે.

અમૂલનો ટર્નઓવર વધ્યો
GCMMF એ નાણાકીય વર્ષ દરમિયાન આશરે ₹73,450 કરોડનો ટર્નઓવર નોંધાવ્યો છે, જે ગયા વર્ષની સરખામણીએ 11 ટકા કરતાં વધુ વૃદ્ધિ દર્શાવે છે. ડેરી ઉત્પાદનોની વધતી માંગ વચ્ચે અમૂલનો વ્યવસાય સતત મજબૂત બની રહ્યો છે, છતાં વધતા ઉત્પાદન ખર્ચને ધ્યાનમાં રાખીને કંપનીએ ફરી ભાવ વધારો કર્યો છે.

 

 

  • Related Posts

    સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

    B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

    નોટબંધીનાં 10 વર્ષઃ Cashless ભારતનું સપનું અને રોકડની હકીકત!

    -> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…