શ્રીનગર એરપોર્ટ પર બે અમેરિકન નાગરિકોની અટકાયત: બેગમાંથી મળ્યો સેટેલાઇટ ફોન

જમ્મુ-કાશ્મીરના શ્રીનગર એરપોર્ટ પર સુરક્ષા તપાસ દરમિયાન બે અમેરિકન નાગરિકોની અટકાયત કરવામાં આવી છે. તેમની બેગમાંથી ગાર્મિન કંપનીનો સેટેલાઇટ ફોન મળતાં સુરક્ષા એજન્સીઓએ તાત્કાલિક કાર્યવાહી કરી હતી.

આ ઘટનામાં એક નાગરિકની ઓળખ જેફરી સ્કોટ તરીકે થઈ છે, જે અમેરિકાના મોનટાના રાજ્યનો રહેવાસી છે. એરપોર્ટ સુરક્ષાએ શરૂઆતમાં બંનેની પૂછપરછ કરી અને ત્યારબાદ તેમને પોલીસને સોંપવામાં આવ્યા હતા. સુરક્ષા અધિકારીઓના જણાવ્યા મુજબ, રુટીન ચેકિંગ દરમિયાન સ્કેનિંગ વખતે બેગમાંથી સેટેલાઇટ ફોન મળી આવ્યો હતો. આ પછી તેમને અટકાવીને વધુ પૂછપરછ કરવામાં આવી હતી.

હાલ પોલીસ દ્વારા સમગ્ર મામલાની તપાસ ચાલી રહી છે કે બંને નાગરિકો શ્રીનગરમાં કયા હેતુથી આવ્યા હતા અને તેમની પાસે સેટેલાઇટ ફોન રાખવાનો કારણ શું હતું. કાશ્મીર જેવા સંવેદનશીલ વિસ્તારમાં આવા ઉપકરણો પર કડક નિયમો લાગુ હોય છે, તેથી સુરક્ષા એજન્સીઓએ આ મામલાને ગંભીરતાથી લીધો છે.

અધિકારીઓના જણાવ્યા મુજબ, વિદેશી પ્રવાસીઓ દ્વારા સેટેલાઇટ ફોન સાથે પકડાવાની ઘટનાઓ અગાઉ પણ સામે આવી છે, જેના કારણે એરપોર્ટ સુરક્ષા વધુ સતર્ક બની છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in