Bindia
મધ્યપ્રદેશના અનૂપપુર જિલ્લામાં શનિવારે સાંજે એક ભયાનક દુર્ઘટના સર્જાઈ હતી. કોટમા બસ સ્ટેન્ડ નજીક આવેલી અગ્રવાલ લોજની 3થી 4 માળની ઈમારત અચાનક ધરાશાયી થઈ ગઈ, જેના કારણે વિસ્તારમાં ભારે અફરાતફરી મચી ગઈ છે.
પ્રાથમિક માહિતી મુજબ, આ દુર્ઘટનામાં એક વ્યક્તિનું મોત નીપજ્યું છે, જ્યારે બે અન્ય લોકો ગંભીર રીતે ઘાયલ થયા છે. સાથે સાથે આશરે 8થી 10 લોકો હજુ પણ કાટમાળ નીચે ફસાયેલા હોવાની આશંકા વ્યક્ત કરવામાં આવી રહી છે.
ખોદકામ બન્યું અકસ્માતનું કારણ?
સ્થાનિક લોકોના જણાવ્યા મુજબ, ઈમારતની બાજુમાં ભૂગર્ભ બાંધકામ માટે ઊંડું ખોદકામ ચાલી રહ્યું હતું. આ ખોદકામને કારણે ઈમારતનો પાયો નબળો પડી ગયો હોવાની આશંકા છે, જેના પરિણામે આખી બિલ્ડિંગ પત્તાના મકાનની જેમ ધરાશાયી થઈ ગઈ. દુર્ઘટનામાં નજીકની કેટલીક દુકાનોને પણ નુકસાન પહોંચ્યું છે.
બચાવ કામગીરી યુદ્ધના ધોરણે ચાલુ
દુર્ઘટના બાદ સ્થાનિક લોકો તાત્કાલિક મદદ માટે આગળ આવ્યા અને બચાવ કામગીરી શરૂ કરી. અત્યાર સુધીમાં ત્રણ લોકોને કાટમાળમાંથી બહાર કાઢવામાં આવ્યા છે. ઘટનાસ્થળે પોલીસ અને રાહત-બચાવ ટીમો પહોંચી ગઈ છે અને ફસાયેલા લોકોને બહાર કાઢવા માટે સતત પ્રયાસો ચાલુ છે.
વહીવટીતંત્ર દ્વારા બચાવ કામગીરીને પ્રાથમિકતા આપવામાં આવી છે અને શક્ય તેટલી ઝડપથી તમામ લોકોને સુરક્ષિત બહાર કાઢવાના પ્રયાસો કરવામાં આવી રહ્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
