Bindia
ગુજરાતમાં શિક્ષિત બેરોજગાર યુવાનો માટે મોટી ખુશખબર સામે આવી છે. રાજ્યની ગુજરાત રાજ્ય પ્રાથમિક શિક્ષણ પસંદગી સમિતિ દ્વારા ધોરણ 1 થી 5 માટે કુલ 11,000 વિદ્યાસહાયકોની ભરતી જાહેર કરવામાં આવી છે.
આ ભરતી માટે ઓનલાઈન અરજી પ્રક્રિયા 15 એપ્રિલ 2026થી શરૂ થશે અને 24 એપ્રિલ 2026 સુધી ચાલુ રહેશે. લાયક ઉમેદવારો સત્તાવાર વેબસાઈટ dpegujarat.in પર જઈને અરજી કરી શકશે.
ભરતીની મુખ્ય વિગતો મુજબ, આ જગ્યાઓમાં નવી જગ્યાઓ ઉપરાંત અગાઉની ભરતીમાં ખાલી રહેલી જગ્યાઓનો પણ સમાવેશ કરવામાં આવ્યો છે. સામાજિક ન્યાયને ધ્યાનમાં રાખીને કુલ જગ્યાઓમાંથી 4 ટકા અનામત દિવ્યાંગ ઉમેદવારો માટે રાખવામાં આવી છે.
લાયકાત અને વયમર્યાદા
ઉમેદવાર માટે Teacher Eligibility Test (TET-1) પાસ કરવું ફરજિયાત છે. સાથે સાથે D.El.Ed. અથવા સમકક્ષ લાયકાત હોવી જરૂરી છે. હાલમાં D.El.Ed.ના અંતિમ વર્ષમાં અભ્યાસ કરતા ઉમેદવારો પણ અરજી કરી શકશે.
વયમર્યાદા 18 થી 33 વર્ષ રાખવામાં આવી છે, જ્યારે અનામત વર્ગોને નિયમ મુજબ છૂટછાટ આપવામાં આવશે.
પગાર અને પસંદગી પ્રક્રિયા
પસંદગી પામેલા ઉમેદવારોને પ્રથમ 5 વર્ષ માટે દર મહિને ₹26,000 ફિક્સ પગાર આપવામાં આવશે. ત્યારબાદ, સફળ સેવા પૂર્ણ થયા બાદ પે-લેવલ 7 મુજબ ₹25,500 થી ₹81,100ના પગારધોરણમાં કાયમી નિમણૂક આપવામાં આવશે.
પસંદગી સંપૂર્ણપણે મેરિટ આધારિત રહેશે, જેમાં મેરિટ લિસ્ટ, ડોક્યુમેન્ટ વેરિફિકેશન અને જિલ્લા ફાળવણીનો સમાવેશ થાય છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
