Bindia
ઈરાને મંગળવારે ફરી એકવાર અમેરિકાને કડક ચેતવણી આપી છે કે જો કોઈ દેશ તેના પર હુમલો કરશે, તો ઈરાનની સેના તેને જડબાતોડ જવાબ આપશે. તેહરાનમાં ઈસ્લામિક રિવોલ્યુશનરી ગાર્ડ કોર્પ્સ (IRGC)ના ખાતમ અલ-અનબિયા મુખ્યાલયના પ્રવક્તા ઈબ્રાહિમ જોલફાઘરીએ જણાવ્યું કે ઈરાનના સશસ્ત્ર દળો કોઈપણ હુમલાખોરના પગ કાપી નાખશે. ઈરાની સરકારી મીડિયા, પ્રેસ ટીવી દ્વારા આ જાણકારી આપાઈ હતી.
રશિયાના ચેચન લડવૈયાઓ ઇરાનમાં તૈનાત થઈ શકે છે
પ્રેસ ટીવીના અહેવાલ પ્રમાણે, રશિયાના ચેચન લડવૈયાઓ પણ જરૂર પડ્યે ઇરાનમાં તૈનાત થવા તૈયાર છે, ખાસ કરીને જો અમેરિકા જમીન પર હુમલો કરે તો. વોલ સ્ટ્રીટ જર્નલ (WSJ)ના અહેવાલ અનુસાર, અમેરિકાના રાષ્ટ્રપ્રમુખ ડોનાલ્ડ ટ્રમ્પ ઈરાન વિરુદ્ધ ચાલી રહેલા સૈન્ય અભિયાનને સમાપ્ત કરવા પર વિચાર કરી રહ્યા છે, ભલે હોર્મુઝ સ્ટ્રેટ બંધ ન રહે.
ટ્રમ્પની તૈયારી
અહેવાલ મુજબ, ટ્રમ્પે પોતાના સહયોગીઓને કહ્યું કે તેઓ ઈરાન વિરુદ્ધ સૈન્ય અભિયાનને ચારથી છ અઠવાડિયામાં ઘટાડવા માટે તૈયાર છે. હોર્મુઝ સ્ટ્રેટ સંપૂર્ણ બંધ ન થાય, તે છતાં મુખ્ય સૈન્ય લક્ષ્યો હાંસલ કરીને તેમનો ધ્યેય પૂરો થાય તે માટે તે યોજનાઓ પર ધ્યાન કેન્દ્રિત કરી રહ્યા છે.
હોર્મુઝ સ્ટ્રેટ મેનેજમેન્ટ પ્લાન
ઈરાનની સંસદની સુરક્ષા સમિતિએ હોર્મુઝ સ્ટ્રેટ મેનેજમેન્ટ પ્લાન મંજૂર કર્યો છે. આ યોજના હેઠળ:
– જહાજો પર ટેક્સ વસૂલવાની વ્યવસ્થા
– સ્ટ્રેટની સુરક્ષા અને જહાજોની સલામતી
– પર્યાવરણ સંરક્ષણ અને નાણાકીય વ્યવસ્થા
– રિયાલ આધારિત ટોલ સિસ્ટમ લાગુ
ઈરાને ખાસ કરીને નિર્ણય લીધો છે કે અમેરિકન અને ઈઝરાયલના જહાજો આ માર્ગથી પસાર નહીં થઈ શકે, અને ઈરાન વિરુદ્ધ પ્રતિબંધ લગાવનારા દેશોના જહાજોને પણ મંજૂરી નહીં આપવામાં આવે. ઓમાન સાથે મળીને કાયદાકીય માળખું તૈયાર કરવામાં આવશે.
હોર્મુઝ સ્ટ્રેટ વિશ્વના સૌથી મહત્વપૂર્ણ દરિયાઈ માર્ગોમાંનો એક છે, જ્યાંથી વિશ્વના તેલનો મોટો હિસ્સો પસાર થાય છે. આ પગલાં પશ્ચિમ એશિયામાં ઈરાન અને અમેરિકા-ઈઝરાયેલ ગઠબંધન વચ્ચે ચાલી રહેલા સંઘર્ષના મધ્યમાં લેવામાં આવ્યા છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
