Bindia
ઈરાન, અમેરિકા અને ઈઝરાયેલ વચ્ચે ચાલી રહેલા સંઘર્ષની અસર હવે વૈશ્વિક સ્તરે જોવા મળી રહી છે. તેલ અને ગેસના પુરવઠામાં અવરોધને કારણે અનેક એશિયાઈ દેશો ઉર્જા સંકટનો સામનો કરી રહ્યા છે, જેના કારણે સરકારોને કડક અને અસાધારણ પગલાં લેવા પડ્યા છે.
ફિલિપાઈન્સમાં રાષ્ટ્રીય ઉર્જા કટોકટી જાહેર
ફિલિપાઈન્સે પરિસ્થિતિને ગંભીર ગણાવી રાષ્ટ્રીય ઉર્જા કટોકટી જાહેર કરી છે. રાષ્ટ્રપતિ ફર્ડિનાન્ડ માર્કોસ જુનિયરે ચેતવણી આપી છે કે દેશમાં ઈંધણનો જથ્થો માત્ર 40-45 દિવસ સુધી જ પૂરતો છે. સરકાર દ્વારા વેપાર સમય મર્યાદિત કરવા, મુસાફરી ઘટાડવા અને આવશ્યક ચીજવસ્તુઓને પ્રાથમિકતા આપવા જેવા પગલાં લેવામાં આવ્યા છે.
પાકિસ્તાનમાં સ્માર્ટ લોકડાઉન પર વિચારણા
પાકિસ્તાનમાં વધતા સંકટને પહોંચી વળવા વડાપ્રધાન શાહબાઝ શરીફ સ્માર્ટ લોકડાઉન લાગુ કરવાની યોજના પર વિચાર કરી રહ્યા છે. વર્ક ફ્રોમ હોમ, શાળાઓ બંધ રાખવી અને મુસાફરી પર નિયંત્રણ જેવા પગલાં પહેલેથી જ અમલમાં છે.
દક્ષિણ કોરિયાનો જન અભિયાન
દક્ષિણ કોરિયાએ નાગરિકોને ઉર્જા બચાવવા માટે વિશેષ અભિયાન શરૂ કર્યું છે. વીજળીનો ઓછો ઉપયોગ, રાત્રે ઉપકરણો ચાર્જ કરવાની મર્યાદા અને ટૂંકા અંતરે જાહેર પરિવહન અથવા સાયકલનો ઉપયોગ કરવા માટે પ્રોત્સાહન આપવામાં આવી રહ્યું છે.
વિયેતનામમાં ફ્લાઈટ્સ રદ
વિયેતનામમાં જેટ ફ્યુઅલની અછતને કારણે ઉડ્ડયન ક્ષેત્ર પર અસર પડી છે. વિયેતનામ એરલાઈન્સે અનેક સ્થાનિક ફ્લાઈટ્સ રદ કરી છે, જેના કારણે મુસાફરોને મુશ્કેલીઓનો સામનો કરવો પડી રહ્યો છે.
થાઈલેન્ડ અને શ્રીલંકાના કડક પગલાં
થાઈલેન્ડમાં વર્ક ફ્રોમ હોમ નીતિ અમલમાં મૂકી છે અને ઈંધણ બચાવવા માટે સરકારી વિદેશ પ્રવાસો પર પ્રતિબંધ મુકાયો છે. શ્રીલંકાએ ચાર દિવસનું કાર્ય સપ્તાહ અમલમાં મૂક્યું છે અને ઈંધણ બચાવવા માટે વધારાનો રજાનો દિવસ જાહેર કર્યો છે.
ભારતની સ્થિતિ સ્થિર
ભારતમાં હાલ કોઈ ગંભીર સંકટ નથી, પરંતુ તેની અસર ધીમે ધીમે દેખાઈ રહી છે. કેટલાક વિસ્તારોમાં ફ્યુઅલ સ્ટેશનો પર કતારો જોવા મળી રહી છે. છતાં, આશરે 60 દિવસના વ્યૂહાત્મક ભંડારને કારણે નજીકના ભવિષ્યમાં લોકડાઉન જેવી સ્થિતિ સર્જાય તેવી શક્યતા ઓછી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
