પાકિસ્તાનમાં ‘સ્માર્ટ લોકડાઉન’ની ચર્ચા: તેલ સંકટ વચ્ચે કડક પગલાંની તૈયારી?

ઈરાન સંબંધિત તણાવ બાદ ઊભેલા વૈશ્વિક તેલ સંકટનો સૌથી વધુ પ્રભાવ પાકિસ્તાન પર જોવા મળી રહ્યો છે. આ પરિસ્થિતિને પહોંચી વળવા માટે શહબાઝ શરીફ સરકાર ‘સ્માર્ટ લોકડાઉન’ જેવા કડક પગલાં લેવા વિચારણા કરી રહી છે તેવી ચર્ચા જોર પકડી રહી છે.

મળતી માહિતી અનુસાર, એક લીક થયેલા સરકારી ડ્રાફ્ટમાં દેશમાં દુકાનો અને હાઇવે બંધ રાખવા તેમજ લગ્ન જેવા સામાજિક કાર્યક્રમો પર પ્રતિબંધ મૂકવાની શક્યતા દર્શાવવામાં આવી છે. જોકે, પાકિસ્તાન સરકારે સ્પષ્ટ કર્યું છે કે આ માત્ર ડ્રાફ્ટ છે અને હજુ સુધી કોઈ અંતિમ નિર્ણય લેવામાં આવ્યો નથી.

મોંઘવારી વચ્ચે વધતી મુશ્કેલીઓ
પાકિસ્તાન પહેલેથી જ મોંઘવારી અને આર્થિક સંકટનો સામનો કરી રહ્યું છે. તેવામાં તેલ અને ગેસના ભાવમાં વધારાથી પરિસ્થિતિ વધુ ગંભીર બની ગઈ છે. પેટ્રોલ, ડીઝલ અને LPGના ભાવમાં સતત વધારો થવાથી સામાન્ય જનજીવન પર ભારે અસર પડી રહી છે.

LPGના ભાવમાં જંગી વધારો
અહેવાલ મુજબ, 11.67 કિલોગ્રામના LPG સિલિન્ડરની કિંમત ₹3,900 થી વધીને ₹5,135 સુધી પહોંચી ગઈ છે. અગાઉ પણ તેમાં મોટો વધારો નોંધાયો હતો. આ વધારાનો સીધો પ્રભાવ પરિવહન ક્ષેત્ર પર પણ પડ્યો છે. રિક્ષા, બસ અને મિનિબસ જેવા LPG આધારિત વાહનોના ભાડામાં વધારો થતાં સામાન્ય અને મધ્યમ વર્ગના લોકોના ખર્ચામાં વધારો થયો છે.

સરકાર માટે પડકારજનક સ્થિતિ
આ પરિસ્થિતિમાં સરકાર માટે આર્થિક સંકટ અને જનતાની મુશ્કેલીઓ વચ્ચે સંતુલન જાળવવું મોટો પડકાર બની રહ્યો છે. જો સ્માર્ટ લોકડાઉન લાગુ કરવામાં આવશે, તો તેનાથી લોકોના રોજિંદા જીવન અને વેપાર પર વધુ અસર પડી શકે છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in