Bindia
લોરેન્સ બિશ્નોઈના ભાઈ અને દેશના સૌથી વોન્ટેડ ગેંગસ્ટરોમાંના એક અનમોલ બિશ્નોઈને યુએસમાંથી પ્રત્યાર્પણ કરીને ભારતમાં લાવવામાં આવ્યા બાદ, દિલ્હીની પટિયાલા હાઉસ કોર્ટએ તેને 11 દિવસની NIA કસ્ટડીમાં મોકલ્યો છે. અનમોલ બિશ્નોઈ 2022 થી ફરાર હતો અને તેના પર ₹10 લાખનું ઈનામ જાહેર હતું.
NIA કઈ બાબતોમાં કરશે કડક પૂછપરછ?
NIAના ખાસ સરકારી વકીલ રાહુલ ત્યાગીના જણાવ્યા મુજબ, અનમોલ બિશ્નોઈને ગેંગસ્ટર-આતંકવાદી સિન્ડિકેટના હિસ્સા તરીકે નીચેના મુદ્દાઓ પર પૂછપરછ કરવામાં આવશે:
– લોરેન્સ બિશ્નોઈ ગેંગ અને બબ્બર ખાલસા ઇન્ટરનેશનલ (BKI) વચ્ચેના કનેક્શન
– ખાલિસ્તાની ચળવળને ફરી સક્રિય કરવાનો કાવતરું
– વિદેશમાંથી ગેંગનું સંકલન અને ઓપરેશન
– ગેંગના ફંડિંગના સ્ત્રોતો
– ગેંગના અન્ય સાગરિતોની ઓળખ અને તેમની હાલની સ્થિતી
– ભારતમાં થયેલી મુખ્ય ગુનાહિત અને આતંકવાદી પ્રવૃત્તિઓમાં તેની ભૂમિકા
કોર્ટનો નિર્ણય
NIAએ 15 દિવસની કસ્ટડી માગી હતી, પરંતુ કોર્ટે 11 દિવસની કસ્ટડી મંજૂર કરી. કોર્ટએ NIAને અનમોલની સુરક્ષા અને તબીબી તપાસ સુનિશ્ચિત કરવાનો નિર્દેશ આપ્યો છે. હવે અનમોલ બિશ્નોઈને 29 નવેમ્બરે ફરી કોર્ટમાં રજૂ કરવામાં આવશે.
કયા-કયા કેસોમાં નામ?
અનમોલ બિશ્નોઈ પર અનેક ગંભીર કેસ છે, જેમાં મુખ્યત્વે:
– NCP નેતા બાબા સિદ્દીકીની હત્યાનું કાવતરું
– પંજાબી ગાયક સિદ્ધુ મૂસેવાલાની હત્યામાં સંડોવણી
– એપ્રિલ 2024 ની ટાર્ગેટ કિલિંગ
– સલમાન ખાનના ઘરે ગોળીબાર કેસ
-કુલ 18 થી વધુ ગુનાહિત કેસ
ખાલિસ્તાની સંગઠનો સાથે જોડાણ?
NIAનો દાવો છે કે અનમોલ બિશ્નોઈનો બબ્બર ખાલસા ઇન્ટરનેશનલ (BKI) અને અન્ય ખાલિસ્તાની આતંકી જૂથો સાથે સીધો સંપર્ક હતો અને તે વિદેશથી સિન્ડિકેટને સંચાલિત કરતો હતો.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
