હાલોલમાં સ્માર્ટ મીટરનો કહેર: ખેડૂતને 15 દિવસનું ₹50,000નું બિલ, ગ્રામજનોમાં હડકંપ

પંચમહાલ જિલ્લાના હાલોલ ગ્રામ્ય વિસ્તારમાં સ્માર્ટ મીટર લગાવવાની કામગીરી શરૂ થતા જ ગ્રામજનોમાં અસંતોષ ફેલાયો છે. આ દરમિયાન ટાઢોડીયા ગામમાં સામે આવેલો એક ચોંકાવનારો કિસ્સો ચર્ચાનો વિષય બન્યો છે. સ્થાનિક ખેડૂત નારણ બારીયાને માત્ર 15 દિવસનું વીજબિલ ₹50,000 આવવાથી સમગ્ર ગામમાં ચકચાર મચી છે.

સામાન્ય રીતે બે મહિનાનું મોટામાં મોટું ₹1,000 જેટલું બિલ આવતું હોય છે, પરંતુ સ્માર્ટ મીટર લગાડ્યા બાદ આવું અતિશય બિલ આવતા ખેડૂત સ્તબ્ધ રહી ગયા છે. ખેડૂત કહે છે કે એક વર્ષનું કુલ બિલ પણ આટલું નથી આવતું, તો ફક્ત પંદર દિવસનું જ આટલું બિલ કેવી રીતે આવી શકે?

5 ઑક્ટોબરે મીટર બદલાયું
5 ઑક્ટોબરે તેમનું જૂનું મીટર બદલીને સ્માર્ટ મીટર લગાવવામાં આવ્યું હતું. બધું સામાન્ય ચાલતું હતું, પરંતુ 17 ઑક્ટોબરે તેમના મોબાઇલ પર આવેલા મેસેજે તેમને હચમચાવી દીધા. સિસ્ટમમાં દર્શાવવામાં આવેલું બિલ ₹50,020.31 ઑનલાઇન ચેક કરતાં પણ એ જ રકમ આવતા તેમની ચિંતા વધતી ગઈ.

પહેલાથી જ નુકસાન, ઉપરથી આ બિલ
કડક હવામાન અને કમોસમી વરસાદના કારણે ખેડૂતો પહેલેથી જ આર્થિક સંકડામણમાંથી પસાર થઈ રહ્યા છે. પાકને પડેલા નુકસાન પછી વીજ કંપની તરફથી મળેલું આટલું ઊંચું બિલ તેમના માટે પડ્યા પર પાટું સાબિત થયું છે. નારણભાઈએ જણાવ્યું કે હવે તો ઝેર ખાવાની સ્થિતિ આવી ગઈ છે.

MGVCL સામે રજૂઆત, છતાં કોઈ ઉકેલ નહીં
આ ઘટના ટેક્નિકલ ખામી છે, કે બિલિંગમાં કોઈ ભૂલ—તે અંગે કોઈ સ્પષ્ટતા કરવામાં આવી નથી. ખેડૂત નારણભાઈએ MGVCL ખાતે બિલની વિગતવાર તપાસ કરવાની અરજી કરી છે. ગામમાં અન્ય રહેવાસીઓએ પણ સ્માર્ટ મીટર પ્રત્યે ઉચાટ વ્યક્ત કર્યો છે, અને બિલિંગ સિસ્ટમ પારદર્શક બનાવવા માંગ ઉઠી રહી છે.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in

Related Posts

સુરેન્દ્રનગર Police પરિવારમાં નવા વર્ષની અનોખી ઉજવણી: SP પ્રેમસુખ ડેલુના નિવાસસ્થાને યોજાયું સ્નેહમિલન, પોલીસ પરિવાર એકસાથે મળ્યો

B india સુરેન્દ્રનગર : નવા વર્ષના પાવન અવસર નિમિત્તે સુરેન્દ્રનગર Police પરિવારમાં સ્નેહ, સૌહાર્દ અને આત્મીયતાનો માહોલ જોવા મળ્યો હતો. સુરેન્દ્રનગરના Police અધિક્ષક (SP) શ્રી પ્રેમસુખ ડેલુના નિવાસસ્થાને પોલીસ પરિવારના સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમમાં Police પરિવારના સભ્યો એકત્રિત થયા હતા અને એકબીજાને નવા વર્ષની હાર્દિક શુભકામનાઓ પાઠવી હતી. ફરજની સતત વ્યસ્તતા વચ્ચે Police પરિવારના સભ્યોને એકબીજા સાથે સમય વિતાવવાની અને આનંદની પળો માણવાની સુંદર તક મળી હતી. SP પ્રેમસુખ ડેલુના નિવાસસ્થાને યોજાયું સ્નેહમિલન નવા વર્ષની શરૂઆત હંમેશાં નવી આશાઓ, નવા સંકલ્પો અને ખુશીઓ સાથે કરવામાં આવે છે. ત્યારે સુરેન્દ્રનગર પોલીસ પરિવાર દ્વારા પણ નવા વર્ષના અવસરને યાદગાર બનાવવા માટે સ્નેહમિલન કાર્યક્રમનું આયોજન કરવામાં આવ્યું હતું. આ કાર્યક્રમનું આયોજન સુરેન્દ્રનગરના પોલીસ અધિક્ષક શ્રી…

નોટબંધીનાં 10 વર્ષઃ Cashless ભારતનું સપનું અને રોકડની હકીકત!

-> ડિજિટલ પેમેન્ટમાં ઐતિહાસિક ઉછાળો, UPIએ બદલી નાખી નાણાંની લેવડદેવડની રીત; છતાં દેશમાં રોકડનું ચલણ ઘટવાને બદલે અનેકગણું વધ્યું : 8 નવેમ્બર, 2016ની રાતે વડાપ્રધાન નરેન્દ્ર મોદીએ રૂ. 500 અને રૂ. 1,000ની જૂની ચલણી નોટો બંધ કરવાની જાહેરાત કરી ત્યારે સમગ્ર દેશમાં જાણે આર્થિક ભૂકંપ આવ્યો હતો. કાળાં નાણાં પર પ્રહાર, નકલી ચલણનો અંત, આતંકવાદી ફંડિંગ પર રોક અને ડિજિટલ અર્થતંત્રને પ્રોત્સાહન જેવા મોટા હેતુઓ સાથે નોટબંધીનો નિર્ણય લેવાયો હતો. બેંકોની બહાર લાંબી કતારો, રોકડની અછત અને સામાન્ય નાગરિકોની મુશ્કેલીઓ વચ્ચે શરૂ થયેલી આ ઐતિહાસિક કવાયતને આજે દસ વર્ષ પૂર્ણ થવા જઈ રહ્યાં છે. આટલા વર્ષોમાં ભારતે UPI અને ડિજિટલ પેમેન્ટ ક્ષેત્રે વિશ્વનું ધ્યાન ખેંચ્યું છે, Cashless પરંતુ બીજી તરફ રોકડના ચલણમાં પણ મોટો વધારો થયો…