હરમનપ્રીત કૌરે બોલ પોતાના ખિસ્સામાં કેમ રાખ્યો? PM મોદીને જણાવ્યું આ કારણ

ભારતીય મહિલા ક્રિકેટ ટીમ વર્લ્ડ કપ જીત્યા બાદ વડા પ્રધાન નરેન્દ્ર મોદીને મળી, ત્યારે વાતાવરણ ગર્વ અને આનંદથી ભરેલું હતું. આ મુલાકાત દરમિયાન, વડાપ્રધાને કેપ્ટન હરમનપ્રીત કૌરને પૂછ્યું: “તમે તે મેચ બોલ તમારા ખિસ્સામાં કેમ રાખ્યો? તેનું કારણ શું હતું? શું તે તેના વિશે કઇ વિચાર્યું હતું કે કોઈએ તમને કંઈક કહ્યું હતું?”

પ્રશ્ન સાંભળીને હરમનપ્રીત હસી અને તેનો જવાબ હૃદયને સ્પર્શી ગયો: “ના, સાહેબ… આ પણ ભગવાનની યોજના હતી. એવું નહોતું કે છેલ્લો બોલ, છેલ્લો કેચ, મારી પાસે આવે, અને તે બોલ મારી પાસે આવે… બસ આટલા વર્ષોની મહેનત… વર્ષો રાહ જોવામાં લાગી… હવે જ્યારે તે મારી પાસે છે, તો તે મારી સાથે રહેશે. તે હજુ પણ મારી બેગમાં છે.”

લગભગ 42 વર્ષ પહેલાં, 1983માં ભારતની પહેલી વર્લ્ડ કપ જીત પછી સુનીલ ગાવસ્કરે મેચનો બોલ પોતાના ખિસ્સામાં રાખ્યો હતો અને હવે 2025માં, હરમનપ્રીતે અજાણતાં જ એ જ ક્ષણનું પુનરાવર્તન કર્યું છે – આ વખતે મુંબઈના ડીવાય પાટિલ સ્ટેડિયમમાં.

હરમનપ્રીતની કેપ્ટનશીપ રહી ઉત્તમ
દક્ષિણ આફ્રિકા સામેની ફાઇનલમાં, જ્યારે નાદીન ડી ક્લાર્કે દીપ્તિ શર્માના બોલને કવર તરફ રમ્યો આ દરમિયાન હરમનપ્રીતે કેચ પકડીને ભારતનો પહેલો મહિલા ODI વર્લ્ડ કપ ખિતાબ જીત્યો. ઉજવણી દરમિયાન, તેણીએ ગુપ્ત રીતે બોલને તેના ખિસ્સામાં નાખ્યો હતો. ફાઇનલમાં હરમનપ્રીતની કેપ્ટનશીપ પણ ઉત્તમ હતી. તેણીએ બોલ શેફાલી વર્માને આપ્યો, જે સામાન્ય રીતે ODI માં ઓછી બોલિંગ કરે છે, અને આ પગલાથી મેચનો માહોલ પલટાઈ ગયો. શેફાલીએ સુને લુસ અને મેરિઝાન કાપને આઉટ કરીને ભારતને મજબૂત સ્થિતિમાં લાવી દીધું.

Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/buletin_india
FOLLOW ON WHATSAPP  https://whatsapp.com/channel/0029Va4rXSZ5q08d1AuVRO2I
Instagram:  bindia.in