Bindia
પંજાબના લુધિયાણામાં આજે વહેલી સવારે મોટો સુરક્ષા ઓપરેશન હાથ ધરવામાં આવ્યો હતો. દિલ્હી–અમૃતસર નેશનલ હાઈવે નજીક લાડોવાલ ટોલ પ્લાઝા પાસે પોલીસ અને આતંકવાદીઓ વચ્ચે થયેલા એન્કાઉન્ટરમાં બે આતંકીઓના મોત થયાની પુષ્ટિ થઈ છે. બંને આતંકીઓ ખાલિસ્તાન સમર્થક સંગઠન બબ્બર ખાલસા ઇન્ટરનેશનલ (BKI) સાથે જોડાયેલા હોવાનું બહાર આવ્યું છે.
બે આતંકીઓ ઢેર
માહિતી મુજબ, એક દિવસ પહેલા પોલીસે કેટલાક શંકાસ્પદ લોકોને હેન્ડ ગ્રેનેડ સાથે પકડ્યા હતા. તેમની પૂછપરછમાં બે મુખ્ય આતંકીઓની ઓળખ મળી હતી, જેના આધારે પોલીસને તેમને પકડવા માટે ઓપરેશન ગોઠવ્યું હતું. જ્યારે પોલીસે ઘેરાવ કર્યો ત્યારે આતંકીઓએ અચાનક ગોળીબાર શરૂ કર્યો, જેના જવાબમાં પોલીસે પણ ફાયરિંગ કર્યું. અથડામણ દરમિયાન બંને આતંકીઓ ગંભીર રીતે ઘાયલ થયા અને બાદમાં તેમનું મોત થયું.
BKI અને ISI સાથે કનેક્શન: લુધિયાણા પોલીસની મોટી કાર્યવાહી
લુધિયાણા પોલીસ કમિશનર સ્વપ્ન શર્માએ જણાવ્યું કે, તાજેતરમાં જ પોલીસએ એક આતંકવાદી મોડ્યુલનો પર્દાફાશ કર્યો હતો અને ત્રણ લોકોની ધરપકડ પણ કરી હતી. આજે થયેલા એન્કાઉન્ટરમાં માર્યા ગયેલા બે આતંકીઓ વિશે મળેલી માહિતી મુજબ તેઓ પાકિસ્તાનની ISIના ઈશારે કામ કરી રહ્યા હતા અને વિસ્તારમાં મોટા હુમલા માટે તૈયારી કરી રહ્યા હતા.
એન્કાઉન્ટર બાદ આખું વિસ્તાર છાવણીમાં ફેરવાઈ ગયું છે અને ઉચ્ચ પોલીસ અધિકારીઓ ઘટનાસ્થળે પહોંચ્યા છે. સુરક્ષા દળો આસપાસના વિસ્તારોમાં સઘન તપાસ કરી રહ્યા છે.
ભારે માત્રામાં શસ્ત્રો અને વિસ્ફોટક સામગ્રી જપ્ત
પોલીસે ઘટનાસ્થળેથી શસ્ત્રો, ગોળાબારુદ, હેન્ડ ગ્રેનેડ અને અન્ય વિસ્ફોટક સામગ્રી જપ્ત કરી છે. પ્રાથમિક અંદાજ મુજબ, આરોપીઓ મોટો હુમલો કરવા જઈ રહ્યા હતા. આ ઘટના બાદ પોલીસ અને ગુપ્તચર એજન્સીઓને એલર્ટ પર મૂકી દેવામાં આવી છે.
બબ્બર ખાલસા: સૌથી ખતરનાક ખાલિસ્તાની સંગઠન
બબ્બર ખાલસા ઇન્ટરનેશનલ (BKI) સંસ્થાની સ્થાપના 1978માં થઈ હતી. ખાલિસ્તાનની માગને આગળ ધપાવવા માટે રચાયેલ આ જૂથને ભારતના સૌથી ખતરનાક અને સંગઠિત આતંકવાદી સંગઠનોમાં ગણવામાં આવે છે.
દક્ષિણ એશિયા ટેરરિઝમ પોર્ટલ અનુસાર, 1990ના દાયકામાં અનેક આતંકવાદી જૂથો નષ્ઠ થયા પછી પણ BKI સક્રિય રહ્યું છે અને આજે પણ પાકિસ્તાનની ISIના સમર્થનથી તેની ગતિવિધિઓ ચાલી રહી છે.
Follow us On Social Media
YouTube : https://www.youtube.com/@BIndiaDigital
Website : https://bindia.co/
TWITTER : https://x.com/bindia276
FOLLOW ON WHATSAPP https://whatsapp.com/channel/0029Va4rXSZ5q08d1AuVRO2I
Instagram: bindia.in
