Akshay Nayak
B INDIA ગાંધીનગર : રાજ્યભરમાં થોડા સમયથી જીએસટી વિભાગે સપાટો બોલાવ્યો છે. જીએસટી વિભાગ દ્વારા કેમિકલ, ગિફ્ટ આર્ટીકલ, બ્યુટી પાર્લર પ્રોડક્ટ તેમજ મેન પાવર સપ્લાય કરનારને ત્યાં જીએસટીના દરોડા પાડવામાં આવ્યા હતા. જીએસટી વિભાગ દ્વારા હાથ ધરવામાં આવેલ તપાસમાં 9 કરોડ 11 લાખની જીએસટી ચોરી પકડાઈ હતી.
બિલ વિનાના થતા વેચાણો અટકાવવા માટે જીએસટી વિભાગ દ્વારા સુરતમાં 3, અમદાવાદમાં 8, વાપીમાં 2, વ્યારામાં 1 મળી કુલ 14 જગ્યાઓ પર દરોડા પાડવામાં આવ્યા હતા. વેપારીઓ દ્વારા વેચાણ બિલનો બારોબાર નાશ કરી દેવામાં આતો હતો. તેમજ વેપારીઓ દ્વારા બિલ ઓછું બતાવી જીએસટી ચોરી કરવામાં આવતી હતી. દરોડા દરમ્યાન 9 કરોડ 11 લાખની જીએસટી ચોરી મળી હતી. તેમજ વધુ તપાસ દરમ્યાન આંકડો વધવાની શક્યતાઓ છે
ગુજરાત સ્ટેટ GST વિભાગ દ્વારા તા. 31 મી જાન્યુઆરી, 2025ના રોજ કેમીકલ્સ, ગીફ્ટ આર્ટીકલ્સ અને રમકડા, ઇલેક્ટ્રોનીક્સ, બ્યુટી પાર્લર અને મેન પાવર સહિત વિવિધ ક્ષેત્રોમા કાર્યરત કુલ 14 વેપારીઓને ત્યાં દરોડા પાડવામાં આવ્યા હતા. વેપારીઓ દ્વારા બિનહિસાબી વેચાણ અને વેરાની ઓછી જવાબદારી દર્શાવવા જેવી ગેરરીતિઓ ધ્યાનમાં આવેલ હતી. GST વિભાગ દ્વારા આ કાર્યવાહી દરમિયાન અંદાજીત રૂ. 9.11 કરોડની કરચોરી શોધી કાઢવામાં આવી છે.
