Akshay Nayak
શુક્રવારે સર્વશ્રેષ્ઠ ODI અને ટેસ્ટ ટીમ જાહેર કર્યા બાદ ICCએ પણ શનિવારે સર્વશ્રેષ્ઠ T20 ટીમની જાહેરાત કરી હતી. ICCએ 2024ની સર્વશ્રેષ્ઠ પુરૂષ ટીમમાં ચાર ભારતીયોનો સમાવેશ કર્યો છે, પરંતુ તેમાં ન તો વિરાટ કોહલીનું નામ છે અને ન તો વર્તમાન T20 કેપ્ટન સૂર્યકુમાર યાદવનું નામ. આ બંને ગયા વર્ષે ટી20 વર્લ્ડ કપ જીતનાર ટીમનો ભાગ હતા. આ સાથે જ ટીમની કમાન વર્લ્ડ ચેમ્પિયન કેપ્ટન રોહિત શર્માને સોંપવામાં આવી છે. રોહિત અને વિરાટે T20 વર્લ્ડ કપ 2024 પછી T20 ઇન્ટરનેશનલમાંથી નિવૃત્તિ લીધી હતી. આ સાથે જ મહિલા ટી20ની સર્વશ્રેષ્ઠ ટીમમાં ત્રણ ભારતીયોનો સમાવેશ કરવામાં આવ્યો છે. સ્મૃતિ મંધાના, રિચા ઘોષ ઉપરાંત દીપ્તિ શર્માનું નામ છે. ભારતની ટીમમાં સૌથી વધુ ત્રણ ખેલાડી છે, જ્યારે દક્ષિણ આફ્રિકાના બે ખેલાડીઓએ ટીમમાં સ્થાન મેળવ્યું છે. ટીમને કમાન્ડ કરી રહ્યા છે. આફ્રિકાના એલ.વોલ્વાર્ડને સોંપવામાં આવી છે. વોલ્વાર્ડટને ICC દ્વારા વર્ષ 2024 ની સર્વશ્રેષ્ઠ મહિલા ODI ટીમની કેપ્ટન પણ બનાવવામાં આવી હતી.
-> શ્રેષ્ઠ પુરુષોની ટીમમાં બીજું કોણ છે? :- ભારતના ચાર ખેલાડીઓ ઉપરાંત ઓસ્ટ્રેલિયા, ઈંગ્લેન્ડ, પાકિસ્તાન, વેસ્ટ ઈન્ડિઝ, અફઘાનિસ્તાન, શ્રીલંકા અને ઝિમ્બાબ્વેનો એક-એક ખેલાડી શ્રેષ્ઠ પુરૂષોની ટીમમાં છે. રોહિત ઉપરાંત ચાર ભારતીયોમાં ઓલરાઉન્ડર હાર્દિક પંડ્યા, ઝડપી બોલર જસપ્રિત બુમરાહ અને અર્શદીપ સિંહના નામ છે. આ ટીમમાં ઓસ્ટ્રેલિયાનો ટ્રેવિસ હેડ, ઈંગ્લેન્ડનો ફિલ સોલ્ટ, વેસ્ટ ઈન્ડિઝનો નિકોલસ પૂરન (વિકેટકીપર), અફઘાનિસ્તાનનો રાશિદ ખાન, શ્રીલંકાના વાનિન્દુ હસરાંગા અને ઝિમ્બાબ્વેનો એલેક્ઝાન્ડર સામેલ છે. T20 વર્લ્ડ કપ 2024માં પ્રથમ રાઉન્ડમાં જ બહાર થઈ ગયેલી પાકિસ્તાની ટીમનો બાબર આઝમ પણ ICCના સર્વશ્રેષ્ઠ T20 પ્લેઈંગ-11માં સામેલ છે.
-> રોહિતે લાંબા સમય બાદ T20માં વાપસી કરી છે :- રોહિતે લાંબા સમય બાદ ગયા વર્ષે T20 ઈન્ટરનેશનલમાં વાપસી કરી હતી. 2024માં તેણે 11 મેચમાં 42ની એવરેજ અને 160.16ના સ્ટ્રાઈક રેટથી 378 રન બનાવ્યા હતા. તેમાંથી 121 રન તેનો સર્વશ્રેષ્ઠ સ્કોર હતો. આ દરમિયાન તેણે માત્ર એક જ સદી ફટકારી હતી. જ્યારે ઓલરાઉન્ડર હાર્દિકે ગયા વર્ષે 17 મેચમાં 352 રન બનાવ્યા હતા અને 16 વિકેટ લીધી હતી. 50 રન તેનો સર્વશ્રેષ્ઠ સ્કોર હતો. આ સાથે જ તેનું સર્વશ્રેષ્ઠ બોલિંગ પ્રદર્શન 20 રનમાં ત્રણ વિકેટ હતું.
