રાજકોટમાં આવકવેરા વિભાગનો સપાટો, 500થી વધુ લોકોને ફટકારી નોટિસ

B INDIA રાજકોટ : રાજકોટમાં આવક વેરા વિભાગે 500થી વધુ લોકોને નોટિસ ફટકારી છે. લોકોએ રીર્ટન ભરતી વખતે દર્શાવેલ માહિતીના આધાર પર વિભાગ દ્વારા કાર્યવાહી હાથ ધરાવામાં આવી હતી. એકસાથે 500થી વધુ લોકોને નોટિસ ફટકારતા વેપારી અને બિલ્ડર લોબીમાં ફફડાટ જોવા મળ્યો છે.2019-2020ના રીટર્નની માહિતીની ચકાસણીમાં 3 ગણો ખર્ચ વિભાગના ધ્યાનમાં આવ્યો છે. રીટર્નમાં કેટલાક લોકોએ તેમની આવક કરતાં ત્રણ ગણો ખર્ચ બતાવ્યો હતો. આ લોકોએ સોનું, પ્રોપર્ટી અને અન્ય લક્ઝરી વસ્તુઓની ખરીદી કરી હતી. આ તમામની કેટલી ખરીદી થઈ હોવાના આંકડા રીટર્નમાં સામે આવ્યા હતા. જેના આધાર પર આ ખર્ચની તેમની આવક સાથે સરખામણી કરતાં અનિશ્ચિતતા સામે આવી હતી.

દર વર્ષે વેપારી હોય કે બિલ્ડર અથવા તો પછી નોકરી કરનારા તમામ નાગરિકો દ્વારા રિટર્ન ભરવામાં આવતું હોય છે. રીટર્નમાં આવક દર્શાવવામાં આવે છે. સોની વેપારીઓ અને બિલ્ડરો મોટાભાગે રોકડમાં વ્યવહારો કરે છે. આપણે જ્યારે સોનું, પ્રોપર્ટી કે લકઝરી વસ્તુઓની ખરીદી કરતા હોઈએ છીએ. ત્યારે આપણે બિલ લઈએ છીએ. આ બિલમાં વસ્તુની ખરીદી મુજબ ટેક્સ લાગતો હોય છે. તેમજ પ્રોપર્ટીમાં રજીસ્ટ્રેશન કરાતું હોય છે.સરકારે વર્ષ 2015માં આવકવેરાના કાયદાની કલમમાં કેટલાક ફેરફાર કર્યા હતા. કલમ 269SS, 269T, 271D અને 271E માં કરેલ ફેરફાર મુજબ કોઈપણ વ્યક્તિ 19,999 રૂપિયા સુધીના જ રોકડ વ્યવહાર કરી શકે છે. અને જો આ નિયમનું પાલન ના કરવામાં આવે તો વિભાગ તરફથી નોટીસ મળે છે.

પ્રોપર્ટી રજીસ્ટ્રેશનની માહિતી તેમજ સોના જેવી કિમતી વસ્તુઓ ખરીદીના બીલની માહિતી પરથી આવક વિભાગ તમારી વિગતો મેળવે છે. સોનું, પ્રોપર્ટી અને અન્ય લક્ઝરી વસ્તુઓની ખરીદીમાં લાગતા ટેક્સ પરથી સરકારને જે – તે વ્યક્તિએ કરેલ વસ્તુની ખરીદીની વિગતો મળી રહે છે. અને જ્યારે રીટર્ન ભરવામાં આવે ત્યારે આ ખર્ચ બતાવવામાં આવતો નથી. આથી જ હાલમાં આવક વેરા વિભાગ દ્વારા 2019-2020ના રીટર્નની ચકાસણી કરવામાં આવી ત્યારે અનેક લોકોના આવક કરતાં ખર્ચ વધુ જોવા મળ્યો. આથી વિભાગે 500થી વધુ લોકોને નોટિસ ફટકારી જવાબ આપવા કહ્યું. નોટિસ મળતા લક્ઝરી લાઇફ જીવતા લોકોમાં ફફડાટ ફેલાઇ ગયો છે.

Related Posts

કેજરીવાલે યોગી આદિત્યનાથને કરી અપીલ, કહ્યું આ મામલે અમિત શાહને આપે માર્ગદર્શન

આમ આદમી પાર્ટીના રાષ્ટ્રીય સંયોજક અરવિંદ કેજરીવાલે ઉત્તર પ્રદેશના સીએમ યોગી આદિત્યનાથને અપીલ કરી છે કે તેઓ કેન્દ્રીય ગૃહમંત્રી અમિત શાહને દિલ્હીમાં કાયદો અને વ્યવસ્થાની ખરાબ સ્થિતિને સુધારવા માટે માર્ગદર્શન…

ટ્રમ્પનું ચીન પ્રત્યે કુણું વલણ શું ભારત માટે કોઇ સંદેશ છે ? શું છે ટ્રમ્પનો ગેમ પ્લાન ?

અમેરિકાની કમાન સંભાળતાની સાથે જ રાષ્ટ્રપતિ ડોનાલ્ડ ટ્રમ્પે એક પછી એક એવી જાહેરાતો કરી, જેનાથી ભારતની ચિંતા વધી ગઈ. બીજી તરફ ચીન પ્રત્યે તેમનું વલણ ઘણું નરમ જણાય છે. ગુરુવારે…

Leave a Reply

Your email address will not be published. Required fields are marked *

error: Content is protected !!
Call Now Button