Akshay Nayak
ગ્લોબલ આઈકન બની ગયેલી પ્રિયંકા ચોપરાને દરેક વ્યક્તિ જોવા માંગે છે. વિશ્વભરમાં તેના કરોડો ચાહકો છે જેઓ તેની તસવીરોના પ્રેમમાં પડે છે. સોશિયલ મીડિયા પર ખૂબ જ એક્ટિવ રહેતી પ્રિયંકા ચોપરાએ હવે કેટલીક નવી તસવીરો શેર કરી છે જે ખૂબ વાયરલ થઈ રહી છે. ક્રિસમસના તહેવારને આડે હવે ગણતરીના દિવસો જ બાકી છે, ત્યારે લોસ એન્જલસમાં પરિવાર સાથે સ્થાયી થયેલી પ્રિયંકાના ઘરે ક્રિસમસની ઉજવણી શરૂ થઈ ગઈ છે.
-> પ્રિયંકાએ ક્રિસમસ પહેલાની તસવીરો શેર કરી છે :- પીસીએ મંગળવારે તેના ઇન્સ્ટાગ્રામ પર કેટલીક તસવીરો પોસ્ટ કરી હતી જેમાં તે પતિ નિક જોનાસ અને પરિવારના સભ્યો સાથે પ્રી-ક્રિસમસની ઉજવણી કરતી જોવા મળી હતી. આ ફોટામાં પ્રિયંકા અને નિક સાન્તાક્લોઝના હેડગિયર પહેરેલા જોવા મળે છે. દરમિયાન તેની પુત્રી માલતી મેરી જોનાસ પણ ઘરે કેટલીક સુંદર પ્રવૃત્તિઓ કરી રહી છે.
તસવીરોમાં નાનો પીસી પેનકેક ખાતા, ક્યુબ્સ અને બેટ સાથે રમતા જોવા મળે છે. તો અન્ય તસવીરોમાં પ્રિયંકા અને નિક એકબીજા સાથે ક્રિસમસ ડિનર ડેટ એન્જોય કરી રહ્યાં છે. આ સિવાય તેણે પોતાના પાલતુ કૂતરાનો ફોટો પણ પોસ્ટ કર્યો છે. પ્રિયંકાએ કેપ્શનમાં હોમ લખ્યું છે.અભિનેત્રીની આ તસવીરોને ખૂબ પસંદ કરવામાં આવી રહી છે. તમને જણાવી દઈએ કે, પ્રિયંકાએ 2018માં નિક જોનાસ સાથે લગ્ન કર્યા હતા, ત્યારબાદ તે અમેરિકાના લોસ એન્જલસમાં સ્થાયી થઈ ગઈ હતી. જોકે, તે ઘણી વખત ભારતની મુલાકાતે આવતા જોવા મળે છે.
jaymin
